Bitarap Türkmenistanyň hoşniýetli goňşuçylyk ýörelgeleri üstünlikli durmuşa geçirilýär
12-12-25
Berkarar döwletiň täze eýýamynyň Galkynyşy döwründe ata Watanymyz hormatly Prezidentimiz Serdar Berdimuhamedowyň baştutanlygynda hemişelik Bitaraplyk hukuk ýagdaýyna, parahatçylyk söýüjilik, hoşniýetli goňşuçylyk, özara hormat goýmak we deňhukukly hyzmatdaşlyk ýörelgelerine esaslanýan daşary syýasy ugry üstünlikli durmuşa geçirýär. Hemişelik Bitaraplyk ýörelgesini durmuşa ornaşdyrmakda Türkmenistan, ilkinji nobatda, öz milli bähbitlerinden ugur alýar. Olaryň binýadynda bolsa türkmen döwletiniň dünýä döwletleri bilen parahatçylykly we hoşniýetli, dostlukly, deňhukukly hem-de özara bähbitli gatnaşyklary alyp barmak, parahatçylygy, howpsuzlygy, durnukly ösüşi milli, sebit we dünýä derejesinde üpjün etmek boýunça tagallalary amala aşyrmak babatdaky maksatlary durýar.
«Türkmenistanyň hemişelik bitaraplygy hakynda» Konstitusion kanunda Türkmenistanyň özygtyýarly döwletiň aýrylmaz hukuklaryny durmuşa geçirmegiň çäklerinde öz hemişelik Bitaraplygyny meýletin yglan edýändigi beýan edilýär. Türkmenistanyň hemişelik Bitaraplygynyň mazmunyny we maksadyny aýan etmek bilen, bu Kanunda onuň içeri we daşary syýasatynyň jemgyýetde durnuklylygy, ylalaşygy berkitmäge, dünýä döwletleri bilen dostlukly, birek-birege bähbitli gatnaşyklary ösdürmäge esas bolup durýandygy barada aýdylýar. Kanunda beýleki meseleler bilen birlikde, ykdysady ugra hem aýratyn orun berilýär. Kanunyň 7-nji maddasyna laýyklykda, Türkmenistan halkara ykdysady hyzmatdaşlygy deňhukuklylyk, özara peýdalylyk we bu işe çekilen taraplaryň bähbitlerini hasaba almak, parahatçylygy we durnuklylygy saklamagyň möhüm guraly hökmünde garamak esasynda ösdürýär. Şeýle hem, Kanunyň 8-nji maddasyna laýyklykda, Türkmenistan öz maliýe-ykdysady giňişliginiň açyklygyny üpjün edýär, ähli döwletler, halkara ykdysady we maliýe guramalary bilen hyzmatdaşlyk edýär, ykdysady meseleleri çözmekde dünýä bileleşiginiň tagallalaryna ýardam berýär.
Ykdysady çäklerde Türkmenistan halkara ykdysady hyzmatdaşlygyň özara bähbitlilik, taraplaryň bähbitlerine sarpa goýmak esasynda ösdürilmegine Ýer ýüzüniň döwletleriniň we sebitleriň arasynda arkalaşykly hereketleri ýola goýmagyň, parahatçylygy we durnuklylygy goldamagyň örän möhüm serişdesi hökmünde garaýar. Şu maksat bilen Türkmenistan eýeçiligiň ähli görnüşleriniň deňhukukly dowam etmegini kepillendirýän, telekeçilik işini höweslendirýän, daşary ýurt maýa goýumlarynyň çekilmegini we ygtybarly ýerleşdirilmegini üpjün edýän, maýadarlaryň işi üçin amatly şertleri döredýän ähli zerur ykdysady we hukuk serişdelerini peýdalanýar.
Geçen 30 ýyllyk döwür ýurdumyzyň Bitaraplyk hukuk ýagdaýynyň halkara gatnaşyklarda syýasy üstünlikleri gazanmakda, durnukly ykdysady ösüşimizi üpjün etmekde, raýatlarymyzyň ýaşaýyş-durmuş derejesini ýokarlandyrmakda ornunyň uludygyny görkezdi. Häzirki döwürde Türkmenistan sebitde durnuklylygy we howpsuzlygy üpjün etmekde esasy orunlaryň birini eýeleýän, dünýäde uly abraýdan peýdalanýan döwletdir. Ýurdumyzyň güýçli depginler bilen ösýän kuwwatly ykdysadyýeti bar. Döwletimiziň ykdysadyýeti daşary ýurt maýa goýumlary üçin hem örän özüneçekiji bolmagynda galýar. Munuň şeýledigini ýurdumyzyň ösüşiniň netijeleri hem doly tassyklaýar. Şol netijeler ykdysadyýetimiziň ähli pudaklarynyň ýokary depginler bilen ösýändigini görkezýär. Bitaraplygyň oňyn häsiýeti ýurdumyzyň ykdysady ösüşini häsiýetlendirýän makroykdysady görkezijileriň ýokarlanmagynda aýdyň beýanyny tapýar.
Ýurdumyz özüniň hemişelik Bitaraplyk hukuk ýagdaýynyň ýörelgelerine esaslanýan daşary ykdysady syýasatynyň çäklerinde doly möçberli we oňyn hyzmatdaşlygy alyp barmak bilen, ykdysadyýet, söwda, energetika, ulag-aragatnaşyk, syýahatçylyk ulgamlarynda hyzmatdaşlygy ösdürmek üçin dünýä bileleşiginiň çäklerinde täze çemeleşmeleri we teklipleri hödürleýär. Türkmenistanyň bitaraplyk syýasaty ýurdumyzyň durnukly ykdysady ösüşi bilen pugta baglydyr. Berkarar Diýarymyzy ösüşleriň ak ýoly bilen öňe alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!
Alma ANNABAÝEWA,
Myrat Garryýew adyndaky Türkmenistanyň Döwlet lukmançylyk uniwersitetiniň Lukmançylyk gullugynyň guralyşy we usulyýeti kafedrasynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.