Habarlar
Habarlar
Türkmenistanyň Prezidenti iş maslahatyny geçirdi
26-njy maýda hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda iş maslahatyny geçirdi. Onda ýurdumyzyň oba hojalyk toplumynda hem-de welaýatlarynda alnyp barylýan işler bilen baglanyşykly meselelere garaldy.
Türkmenistanyň orta mekdepleriniň uçurymlaryna, mugallymlaryna we ähli bilim işgärlerine
Sizi Berkarar döwletiň täze eýýamynyň Galkynyşy döwrüne ajaýyp öwüşgin çaýýan hem-de bagtyýar ýaşlarymyzy süýji arzuwlara, ýakymly duýgulara besleýän «Soňky jaň» dabarasy bilen tüýs ýürekden gutlaýaryn.
Türkmen halysynyň baýramy mynasybetli haly we haly önümleriniň sergisine hem-de Türkmen halyşynaslarynyň bütindünýä jemgyýetiniň XXV mejlisine gatnaşyjylara
Sizi Halkara parahatçylyk we ynanyşmak ýylynda giňden bellenilýän hem-de milli mirasymyzyň aýrylmaz bölegine öwrülen Türkmen halysynyň baýramy mynasybetli geçirilýän haly we haly önümleriniň sergisiniň hem-de Türkmen halyşynaslarynyň bütindünýä jemgyýetiniň XXV mejlisiniň öz işine başlamagy bilen tüýs ýürekden gutlaýaryn.
Azerbaýjanda täze howa menziliniň açylyş dabarasy boldy
Azerbaýjanyň Garaşsyzlyk gününde Laçin etrabynda gurlan halkara howa menziliniň açylyş dabarays geçirildi. Oňa Azerbaýjan Respublikasynyň Prezidenti Ilham Aliýew bilen Türkiýe Respublikasynyň Prezidenti Rejep Taýyp Ärdogan gatnaşdylar.
Döwlet gullugy akademiýasynyň wekillleri adam serişdelerini dolandyrmakda innowasion çemeleşmeler boýunça onlaýn okuwlaryny geçdiler
2025-nji ýylyň maý aýynyň 26-30-y aralygynda Türkmenistanyň Prezidentiniň ýanyndaky Döwlet gullugy akademiýasynyň wekilleri Türkmenistanyň Prezidentiniň ýanyndaky Döwlet gullugy akademiýasy bilen Russiýa Federasiýasynyň Prezidentiniň ýanyndaky Russiýanyň halk hojalygy we döwlet gullugy akademiýasynyň arasynda Hyzmatdaşlyk etmek hakynda Ylalaşygyň çäklerinde adam serişdelerini dolandyrmak ulgamy boýunça onlaýn okuwlaryny geçýärler.
Lebapda elektron kitaphanalara gyzyklanma artýar
Şu ýylyň geçen dört aýynda welaýatyň kitaphanalarynda okyjylaryň sanynyň geçen ýylyň degişli döwründäkiden artmagy hem şeýle diýmäge esas berýär. Anyk aýdylanda, ýanwar — aprel aýlarynda welaýat kitaphanasyna, etraplardaky merkezi kitaphanalara we olaryň şahamçalaryna täze ýazylan raýatlaryň sany 3 müň 600-den gowrak bolup, hasapda duran okyjylaryň umumy sany 120 müňden geçdi.
“TULM” ilkinji gezek Gazagystandan BAE konteýner otlusyny iberdi
“Türkmenistanyň Ulag-logistika merkezi” (TULM) açyk görnüşli paýdarlar jemgyýeti Gazagystanyň “KTZ Express” kompaniýasy bilen bilelikde 2025-nji ýylyň 18-nji maýynda Gazagystan – Birleşen Arap Emirlikleri ugry boýunça ilkinji konteýner otly gatnawyny gurady. Bu barada kompaniýanyň metbugat gullugy habar berýär.
Arkadag şäheri: täzeçil çözgütler we geljekki ösüş mümkinçilikleri
Türkmen halkynyň Milli Lideri tarapyndan başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli durmuşa geçirilýän milli ykdysadyýeti diwersifikasiýalaşdyrmak strategiýasy amatly maýa goýum gurşawyny döretmegi, halkara maliýe düzümleri, sebit banklary bilen netijeli, özara bähbitli gatnaşyklary ösdürmegi, iri maýa goýumlary çekmegi hem-de infrastrukturalary döwrebaplaşdyrmagy maksat edinýär.
Dünýäniň ilkinji emeli aň tehnologiýaly şäheri gurlar
Birleşen Arap Emirlikleriniň Abu-Dabi hökümeti giň gerimli taslama – emeli aň tehnologiýasy ornaşdyryljak dünýäde ilkinji şäheriň gurluşygyna badalga berdi. Täze megapolis “Aion Sentia” diýlip atlandyrylar we Emirligiň sanly tehnologiýalar babatda öňdebaryjy merkezine öwrüler. Taslamanyň maýa goýumynyň möçberi 3.3 milliard dollara deň bolar we ony 2027-nji ýylda ulanmaga bermek göz öňünde tutulýar.
Köneürgenç etrabynda ösen infrastrukturaly döwrebap şäherçe gurulýar
Köneürgenç etrabynyň Täze ýol geňeşliginiň çäginde şäher ösüşiniň we ilatly ýerleriň ýokary talaplary göz öňünde tutulyp taslamalaşdyrylan döwrebap şäherçäniň gurluşygy alnyp barylýar. Täze ilatly ýerde ähli infrastrukturalar, şol sanda durmuş, önümçilik we jemagat ugurly desgalar göz öňünde tutulandyr diýip, Türkmenistanyň resmi metbugaty çarşenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.