Habarlar
Habarlar
Türkmenistan telekommunikasiýa we hemra boýunça “Starlink” bilen hyzmatdaşlygy ösdürmekçi
Türkmenistan we ABŞ-nyň “SpaceX” kompaniýasynyň “Starlink” taslamasy sanly tehnologiýalar, telekommunikasiýa ulgamlary we döwrebap hemra aragatnaşyk çözgütlerini ornaşdyrmak babatda hyzmatdaşlygyň geljekki mümkinçiliklerini ara alyp maslahatlaşdy.
Türkmenistanyň Döwlet gümrük gullugynda iş maslahaty geçirildi
2026-njy ýylyň 4-nji fewralynda geçirilen bu maslahatyň barşynda, Türkmenistanyň gümrük serhedinden geçirilýän demir ýol ulagynda ýük daşamalarynda gümrük taýdan resmileşdirmesi üçin sarp edilýän wagty azaltmak meseleleri ara alnyp maslahatlaşyldy.
“Galkynyş” at üstündäki oýunlar topary 3 million manat bilen sylaglanyldy
Türkmenistanyň Halk Maslahatynyň Başlygy Gurbanguly Berdimuhamedow çarşenbe güni Görogly adyndaky döwlet atçylyk sirkine amala aşyran saparynda Türkmenistanyň Prezidenti Serdar Berdimuhamedowyň “Galkynyş” milli at üstündäki oýunlar toparynyň maddy-enjamlaýyn binýadyny berkitmek maksady bilen, topary 3 million manat bilen sylaglamak barada karara gelendigini habar berdi.
Türkmenistanyň Döwlet gümrük gullugy onlaýn sorag-jogap hyzmatyny ýola goýdy
Türkmenistanyň Döwlet gümrük gullugy ýurduň gümrük işini döwrüň ösýän talaplaryna laýyklykda kämilleşdirmek, daşary ykdysady işiň ösmegine ýardam berýän şertleri döretmek boýunça alnyp barylýan işleriň çäklerinde, telefon arkaly, onlaýn sorag-jogap hyzmatyny ýola goýdy. Bu barada Türkmenistanyň Döwlet gümrük gullugy penşenbe güni habar berdi.
Türkmen halkynyň Milli Lideri, Türkmenistanyň Halk Maslahatynyň Başlygynyň Azerbaýjan Respublikasynyň Prezidentine hem-de Ermenistan Respublikasynyň Premýer-ministrine halkara baýragynyň gowşurylmagy mynasybetli sanly ulgam arkaly gutlagy
Sözümiň başynda Siziň hemmäňize mähirli salamlarymy we iň gowy arzuwlarymy beýan edýärin. Azerbaýjan Respublikasynyň hormatly Prezidenti, gadyrly doganym Ilham Aliýewi hem-de Ermenistan Respublikasynyň hormatly Premýer-ministri Nikol Paşinýany adamzadyň doganlygy ugrunda halkara Zaýed baýragynyň gowşurylmagy bilen tüýs ýürekden gutlaýaryn.
Türkmenistanyň Daşary işler ministrliginde Türkmenistanyň FAO bilen hyzmatdaşlygyna bagyşlanan brifing geçirildi
2026-njy ýylyň 5-nji fewralynda Türkmenistanyň Daşary işler ministrliginde Türkmenistanyň Birleşen Milletler Guramasynyň Azyk we oba hojalyk guramasy (FAO) bilen hyzmatdaşlygyna bagyşlanan brifing geçirildi. Bu barada Türkmenistanyň DIM-niň web-saýtynda habar berilýär.
Türkmenistan ABŞ bilen Merkezi Aziýa ýurtlarynyň işewürlik forumyna gatnaşýar
Türkmenistan 2026-njy ýylyň 4-nji fewralynda Bişkek şäherinde öz işine başlan iki günlük B5+1 formatyndaky işewürlik forumyna gatnaşýar. Bu çäre Merkezi Aziýanyň bäş ýurdunyň — Gazagystanyň, Gyrgyzystanyň, Täjigistanyň, Özbegistanyň we Türkmenistanyň hem-de Amerikanyň Birleşen Ştatlarynyň wekillerini sebit ykdysady hyzmatdaşlygyny ara alyp maslahatlaşmak üçin bir ýere jemleýär. Bu barada “24.kg” neşiri habar berdi.
Türkmenistanyň Ministrler Kabinetiniň mejlisi
6-njy fewralda gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda şu ýylyň ýanwar aýynda ýurdumyzda alnyp barlan işleriň jemleri jemlenildi.
Türkmenistan YHG-nyň Ýokary derejeli wekilleriň maslahatynyň 52-nji mejlisinde täze Kararnamanyň taslamasyny hödürledi
Türkmenistanyň wekiliýeti 2026-njy ýylyň 31-nji ýanwary–2-nji fewraly aralygynda Yslam Hyzmatdaşlyk Guramasynyň (YHG) Ýokary derejeli wekilleriň maslahatynyň 52-nji mejlisine gatnaşdy. Bu mejlis 2026-njy ýylyň 11–12-nji aprelinde Bagdat şäherinde geçiriljek daşary işler ministrleriniň geňeşiniň öňüsyrasyndaky üçünji we iň möhüm taýýarlyk tapgyry bolup durýar.
Türkmenistanyň Prezidenti Täze Zelandiýanyň General-gubernatoryny gutlady
Hormatly Prezidentimiz Serdar Berdimuhamedow Täze Zelandiýanyň General-gubernatory hanym Sindi Kiro we ýurduň ähli halkyna Täze Zelandiýanyň milli baýramy — Waýtangi güni mynasybetli tüýs ýürekden gutlaglaryny we iň gowy arzuwlaryny iberdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.