Habarlar / Dünýä habarlary
Dünýä habarlary
Hytaý — Ýewropa ugry boýunça demir ýol arkaly ýük dolanyşygy artýar
2024-nji ýylyň ilkinji dört aýynyň netijelerine görä, Hytaý — Ýewropa ugry boýunça hereket edýän ýük otlularynyň sanynyň geçen ýylyň degişli döwri bilen deňeşdirilende 10% ýokarlanandygyny we 6184-e ýetendigini «Hytaý demir ýollary» korporasiýasynyň maglumatlaryna salgylanýan “Xinhua” habarlar agentligi habar berýär.
Gazagystan bilen Hytaýyň arasynda demir ýol gatnawy 14% ýokarlandy
«Trend» tarapyndan berlen habarda ýanwar — aprel aýlarynyň netijelerine görä, Gazagystan bilen Hytaýyň arasyndaky demir ýol ulaglarynda daşalan ýüküň möçberiniň 10,1 million tonna ýetendigi, munuň bolsa geçen ýylyň degişli döwri bilen deňeşdirilende 14% köpdügi tassyklandy.
Ilon Mask Türkiýede wekilhanasyny açdy
Dünýäniň iň baý adamlarynyň biri bolan Ilon Maska degişli ozalky “Twitter”, häzirki “X” jemgyýetçilik tory Stambul şäherinde wekilhanasyny açdy. Bu barada Türkiýäniň ulag we infrastruktura ministri Abdulkadir Uralogly habar berdi.
Pekinde Hytaýyň täze ulag merkezi dörediler
2025-nji ýylyň ahyryna çenli Pekinde Aziýanyň iň uly ýerasty ulag merkezlerinden biri açylar we Hytaýyň esasy hem iri ulag taslamalarynyň üstüni ýetirer. Ol şäher häkimliginiň täze dolandyryş merkezini ýurduň infrastrukturasy bilen utgaşdyrar. «Inbusiness.kz» tarapyndan berlen hasabat bu taslamanyň nähili durmuşa geçirilýändigini tassyklaýar.
Russiýanyň we Hytaýyň demir ýollary hyzmatdaşlygy giňeltmek boýunça ylalaşdylar
Hytaýa iş saparynyň çäginde «Russiýanyň demir ýollary» açyk görnüşli paýdarlar jemgyýetiniň ýolbaşçylary Hytaýyň demir ýol ulgamyny utgaşdyrýan edarasynyň ýolbaşçylary bilen hyzmatdaşlygy ösdürmek boýunça şertnama gol çekdiler hem-de ikitaraplaýyn ýük dolanyşygyny ýokarlandyrmagy maksat edinýän birnäçe başlangyçlary öňe sürdüler.
Huawei kompaniýasy Merkezi Aziýada intellektual ulgamlary ösdürmegi tizleşdirýär
Azerbaýjanyň paýtagty Baku şäherinde “Ähli serişdeleriň kömegi bilen intellektual ulgamlaryň ösüşini çaltlandyrmak” temasy boýunça Huawei Cloud TechWave Summit 2024 sammiti geçdi. Bu barada «Kazinform» halkara habarlar agentligi habar berýär.
«Rosstandartda» aýratyn «Logistika komiteti» döredildi
«Rosstandart» «Logistika we üpjünçilik zynjyryny dolandyrmak» (TK 490) diýen at bilen standartlaşdyrmak boýunça tehniki komitetini döretdi. Degişli buýruk (çeşme) bölümiň web saýtynda çap edildi.
Russiýanyň we Hytaýyň iri kompaniýalary umumy logistikany dörederler
«Delo» kompaniýalar toparynyň direktorlar geňeşiniň başlygy Sergeý Şişkarewiň we «Xiamen C&D Inc» kompaniýasynyň baş direktory Lin Maonyň daşary söwdany üpjün etmek, deňiz ulag ýollaryny ösdürmek we iki ýurtda terminal hem ammar infrastrukturasyny döwrebaplaşdyrmak üçin bilelikdäki logistika zynjyrlaryny gurmak boýunça ylalaşandyklaryny rus kompaniýasynyň metbugat gullugy habar berdi.
«Fesco» we «Ratraco» Russiýadan Wýetnama göni demir ýol hyzmatyny ýola goýmagy meýilleşdirýär
«Fesco» ulag topary we Wýetnamyň «Ratraco» logistika operatory Russiýadan Wýetnama göni demir konteýner hyzmatyny ýola goýmagy maksat edinýärler. Bu barada «Fesco» özüniň resmi Telegram-kanalynda habar berýär.
Tähran we Nýu-Deli Çabahar portuny dolandyrmak boýunça 10 ýyllyk ylalaşyk gazandy
«The Economic Times» neşiri Hindistanyň Çabahar portuny 10 ýyllyk dolandyrmak boýunça Eýran bilen şertnama baglaşandygyny habar berdi. Şeýlelikde, Hindistan ilkinji gezek daşary ýurt portunyň dolandyryşyny öz üstüne alar. 10 ýyllyk şertnama awtomatiki usulda täzelener.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.