Habarlar / TÄZELIKLER
TÄZELIKLER
Türkmenistan-Hytaý ulaglar arkaly söwda dolanyşygy 2022-nji ýylda 52% ýokarlandy
Türkmenistan bilen Hytaýyň arasyndaky özara söwda dolanyşygy 2022-nji ýylda 11,181 milliard ABŞ dollaryndan geçdi. Bu görkeziji 2021-nji ýyl bilen deňeşdirilende 52 göterim ýokarydyr. Bu barada Hytaý gümrük gullugynyň çap eden maglumatlarynda habar berilýär.
Türkmenistandan Türkiýä goşmaça ynsanperwerlik kömegi iberildi
Türkmenistan Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan Türkiýäniň käbir welaýatlarynda bolup geçen ýer titreme zerarly ejir çekenlere goşmaça ynsanperwerlik kömegini iberdi.
Ýokary tizlikli awtomobil ýolunyň Tejen — Mary bölegini işe girizmek göz öňünde tutulýar
Geçen hepde geçirilen Türkmenistanyň Ministrler Kabinetiniň giňişleýin mejlisinde Prezident Serdar Berdimuhamedow şu ýylda ýurdumyzda açylmagy meýilleşdirilýän we düýbi tutuljak desgalar barada aýtdy.
Türkmen hünärmenleri gämileriň howpsuz ýüzmegini üpjün etmegiň tejribesi bilen tanyş boldular
«Türkmendeňizderýaýollary» agentliginiň ýanyndaky Türkmenistanda gämi gatnawyna döwlet gözegçilik administrasiýasynyň wekilleri «Gämileriň ulanylyşy üçin şahadatnamalaşdyrmak» temasyndan okuwa gatnaşdylar. Çäre Bureau Veritas Marine & Offshore sas (BV) fransuz klassifikasiýalaşdyryş jemgyýetiniň ýardam etmeginde Gazagystan Respublikasynyň Aktau şäherinde geçirildi.
«Türkmenulaggözegçilik» resmi saýtyny üýtgetdi
«Türkmenawtoulaglary» agentliginiň «Türkmenulaggözegçilik» döwlet kärhanasy resmi saýtynyň domenini tugdk.gov.tm edip üýtgetdi. Ozal resmi çeşme ulaggozegchilik.gov.tm domeninde ýerleşdirilýärdi.
Türkmenistanyň ulag kompaniýalaryny telekeçilige goldaw bermek maksatnamasyna çagyrýarlar
Beýik Britaniýanyň logistika we ulag boýunça Patyşalyk institutynyň Merkezi Aziýadaky wekilhanasy (СILT Central Asia) Türkmenistandan logistika we ulag kompaniýalaryny USAID-iň Merkezi Aziýada söwda boýunça Maksatnamasy bilen bilelikde ýerine ýetirilýän telekeçilige goldaw bermek maksatnamasyna çagyrýar.
«Türkmenawtoulaglary» 607 ugur boýunça ýolagçylary gatnadýar
«Türkmenawtoulaglary» agentligi arkaly ýurdumyz boýunça 607 ugra ýolagçy gatnawlary ýerine ýetirilýär. Şonuň 168-si şäheriçi, 336-sy şäherýaka, 103-si şäherara ugurlaryna degişlidir.
Özbegistandan Türkmenistana 20 sany tiz kömek ulagy berildi
Türkmenistan bilen Özbegistanyň arasynda diplomatik gatnaşyklaryň ýola goýulmagynyň 30 ýyllygy, şeýle hem ýakyn doganlyk gatnaşyklary esasynda birek-birege hormat goýmagyň alamaty hökmünde, iki dostlukly ýurduň arasynda kömek görnüşinde alyş-çalşygy geçirildi.
Gyrgyzystan Türkmenistanyň üstünden Russiýa çykmagy meýilleşdirýär
Golaýda Gyrgyzystanyň Hökümetiniň Russiýa çykmaga mümkinçilik berjek günorta ulag geçelgesini döretmek meselesiniň üstünde işleýändigi barada habar berildi. Bu geçelge Gyrgyzystanyň günorta sebitlerinden Özbegistana, Türkmenistanyň üsti bilen Hazar deňzine we Türkmenbaşy Halkara deňiz portundan Astrahana çenli uzar.
Türkmenistana Pakistanyň portlaryndan peýdalanmak teklip edildi
Pakistan Türkmenistan — Owganystan — Pakistan — Hindistan gaz geçirijisiniň we Türkmenistan — Owganystan — Pakistan elektrik geçiriji taslamasynyň öz wagtynda tamamlanmagyna ygrarly bolmagynda galýar. Bu barada Pakistanyň Milli mejlisiniň başlygy Raja Perwez Aşraf, Türkmenistanyň Pakistandaky Adatdan daşary we Doly ygtyýarly ilçisi Atajan Möwlamow bilen geçiren duşuşygynda mälim etdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.