2 aý ozal

Türkmenistanda Saýlawlary we sala salşyklary geçirmek boýunça merkezi toparyň mejlisi

31-nji martda Türkmenistanda Saýlawlary we sala salşyklary geçirmek boýunça merkezi toparyň mejlisi geçirildi. Onda ýurdumyzda täze döredilen etraplaryň halk maslahatlarynyň agzalygyna hem-de ygtyýarlyk möhletinden öň çykyp giden Türkmenistanyň Mejlisiniň deputatlarynyň, welaýat, etrap, şäher halk maslahatlarynyň we Geňeşleriň agzalarynyň ýerine 29-njy martda geçirilen saýlawlaryň gutarnykly netijeleri jemlenildi, tassyklanyldy we yglan edildi.

2 aý ozal

Türkmenistan — BMG: hyzmatdaşlygy pugtalandyrmak ugrunda

31-nji martda Türkmenistanyň Daşary işler ministrliginde «Türkmenistan — Birleşen Milletler Guramasy» strategik maslahat beriş geňeşiniň bäşinji mejlisi geçirildi. Ol hormatly Prezidentimiziň Türkmenistanyň BMG bilen strategik hyzmatdaşlygyny ösdürmek babatda alyp barýan daşary syýasatynyň mundan beýläk-de üstünlikli durmuşa geçirilmeginiň ýolunda möhüm çäredir.

2 aý ozal

Şu günki üstünlikler — Watanymyzyň geljekki ösüşleriniň binýady

2026-njy ýylyň «Garaşsyz, baky Bitarap Türkmenistan — bedew batly at-myradyň mekany» diýen şygary halkymyzy Watanymyzyň Garaşsyzlygynyň 35 ýyllyk baýramyny uly zähmet ýeňişleri bilen garşylamaga, Gahryman Arkadagymyz tarapyndan başy başlanyp, hormatly Prezidentimiziň baştutanlygynda durmuşa geçirilýän giň gerimli özgertmeleriň üstünlikli amala aşyrylmagyna mynasyp goşant goşmaga ruhlandyrýar.

2 aý ozal

Milli ulag ulgamynyň döwrebaplaşdyrylmagy we ilata edilýän hyzmatlaryň ýokary hili

Hormatly Prezidentimiziň bimöçber aladalary hem-de döwlet derejesinde alnyp barylýan toplumlaýyn syýasat netijesinde ýurdumyzyň awtomobil ulaglary pudagy häzirki zaman talaplaryna laýyklykda yzygiderli ösdürilýär. Döwletimiziň awtoulag düzümi dünýäde öňdebaryjy kompaniýalaryň öndürýän döwrebap, ygtybarly we ekologiýa taýdan arassa awtoulaglary bilen yzygiderli baýlaşdyrylýar.

2 aý ozal

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Arkadag şäheriniň gurluşygynyň barşy we taýýarlanan taslamalar bilen tanyşdy

4-nji aprelde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyryp, şäheriň gurluşygynyň ikinji tapgyrynda alnyp barylýan işler, gurulýan hem-de döwrebaplaşdyrylýan desgalaryň şekil taslamalary bilen tanyşdy. Gahryman Arkadagymyz bu ýerde degişli ýolbaşçylaryň gatnaşmagynda iş maslahatlaryny geçirdi.

2 aý ozal

Türkmenistanyň Ministrler Kabinetiniň mejlisi

3-nji aprelde hormatly Prezidentimiz Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň üç aýynda ýurdumyzda alnyp barlan işleriň jemleri jemlenildi.

2 aý ozal

Merkezi Aziýa ýurtlarynyň Liderleri Astanada geçiriljek AHHG-nyň mejlisine gatnaşarlar

Merkezi Aziýa ýurtlarynyň ýagny, Türkmenistanyň, Gazagystanyň, Täjigistanyň, Gyrgyzystanyň we Özbegistanyň Liderleri Araly halas etmek boýunça Halkara gaznasynyň (AHHG) esaslandyryjy döwletleriniň Baştutanlarynyň geňeşiniň mejlisine gatnaşmak üçin 22-nji aprelde Astana şäherine bararlar. Bu barada Gazagystanyň hökümetiniň resmi metbugat gullugy habar berýär.

2 aý ozal

Türkmenistanyň Prezidenti Braziliýa Federatiw Respublikasynyň Prezidentini gutlady

Hormatly Prezidentimiz Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Braziliýa Federatiw Respublikasynyň Prezidenti Luis Inasiu Lula da Silwa we ýurduň ähli halkyna Türkmenistan bilen Braziliýa Federatiw Respublikasynyň arasynda diplomatik gatnaşyklaryň ýola goýulmagynyň 30 ýyllygy mynasybetli tüýs ýürekden gutlaglaryny, iň gowy arzuwlaryny iberdi.

2 aý ozal

Aşgabatdaky awtoulag kärhanasy ýük awtoulaglarynyň sürüjilerini işe çagyrýar

Türkmenistanyň Awtomobil ulaglary ministrliginiň Aşgabatdaky awtoulag kärhanasy "KamAZ 6520" kysymly awtoulaglary dolandyrmak üçin “C” derejeli sürüjilik şahadatnamasy bolan raýatlary işe çagyrýar.

2 aý ozal

Türkmen halkynyň Milli Lideri Gurbanguly Berdimuhamedow Baku şäherinde geçiriljek Bütindünýä şäherler forumyna gatnaşar

Türkmenistanyň Halk Maslahatynyň Başlygy Gurbanguly Berdimuhamedow 2026-njy ýylyň 17–22-nji maýy aralygynda Bakuda geçiriljek Bütindünýä şäherler forumynyň (WUF13) 13-nji mejlisine gatnaşar. Bu barada Türkmenistanyň Azerbaýjandaky ilçisi Gurbanmämmet Elýasowyň aýdanlaryna salgylanyp, “Trend” agentligi duşenbe güni habar berdi.