Habarlar
Habarlar
DÜNÝÄ HALKLARY BILEN GATNAŞYKLAR
«Türkmenistan» awiakompaniýasy şu ýylyň aprelinde Aşgabat — London (Gatwik) ugra uçuşyny amala aşyrmagy meýilleşdirýär. Bu gatnaw ozal bar bolan Londonyň Hitrou aeroportuna amala aşyrylýan uçuşlaryň ýerini çalşar. 3-nji aprelden «Boeing 777-200LR» kysymly ýolagçy uçary degişli ugur boýunça uçuşlary hepdede bir gezek amala aşyrar. Bu dünýädäki awiakompaniýalaryň uçuş tertibindäki üýtgeşmeler bilen habarly etmäge ýöriteleşen «AeroRoutes» kompaniýasy tarapyndan habar berilýär.
GURBANGULY BERDIMUHAMEDOW TÜRKI DÖWLETLERIŇ GURAMASYNYŇ ÇÄKLERINDÄKI HYZMATDAŞLYGY ÖSDÜRMÄGE GÖNÜKDIRILEN BAŞLANGYÇLARY ÖŇE SÜRDI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde 11-nji martda Aşgabatda Türki Döwletleriň Guramasynyň Aksakgallar geňeşiniň 15-nji mejlisiniň çäklerindäki duşuşyk geçirildi. "Watan" habarlar gepleşiginde habar berilmegine görä, türkmen halkynyň Milli Lideri ondaky çykyşynyň dowamynda guramanyň çäklerinde hyzmatdaşlygy mundan beýläk-de ösdürmäge gönükdirilen birnäçe başlangyçlary beýan etdi.
ÖŇDEBARYJY KOMPANIÝALAR BILEN HYZMATDAŞLYK
Dünýä energiýa pudagynyň öňdebaryjy hyzmatlar bilen üpjün edijisi bolan «Petrofac» kompaniýasy «Türkmengaz» DK tarapyndan Türkmenistandaky «Galkynyş» gaz ýatagynda işlemek boýunça şertnama baglaşdy.
AŞGABATDA TDG-NIŇ AKSAKGALLAR GEŇEŞINIŇ 15-NJI MEJLISINIŇ JEMLERI BOÝUNÇA BEÝANAT KABUL EDILDI
11-12-nji martda Aşgabatda Türki Döwletleriň Guramasynyň Aksakgallar geňeşiniň 15-nji mejlisi geçirildi. Oňa Türki Döwletleriň Guramasyna agza we synçy ýurtlaryň ýaşululary gatnaşdylar.
TÜRKMEN DIPLOMATY TBILISI DÖWLET LUKMANÇYLYK UNIWERSITETINIŇ REKTORY BILEN HYZMATDAŞLYGY GIŇELTMEGI MASLAHATLAŞDY
Türkmenistanyň Gruziýadaky ilçisi D.Seýitmämmedow bilen Tbilisi döwlet lukmançylyk uniwersitetiniň rektory Irakli Natroşwiliniň arasynda duşuşyk geçirildi. Bu barada Türkmenistanyň DIM-niň resmi saýtynda habar berildi.
GURBANGULY BERDIMUHAMEDOW TDG-NIŇ AKSAKGALLAR GEŇEŞINIŇ BAŞLYGY BILEN DUŞUŞDY
12-nji martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türki Döwletleriň Guramasynyň Aksakgallar geňeşiniň başlygy Binali Ýyldyrym bilen duşuşdy. Duşuşygyň çäklerinde Aksakgallar geňeşiniň mejlisiniň jemleri jemlenildi, guramanyň geljekki işleriniň, şeýle hem iki ýurduň arasyndaky gatnaşyklary ösdürmegiň meseleleri ara alnyp maslahatlaşyldy. Bu barada TDH habar berýär.
AŞGABATDA TÜRKI DÖWLETLERIŇ GURAMASYNYŇ AKSAKGALLAR GEŇEŞINIŇ 15-NJI MEJLISINIŇ ÇÄKLERINDE DUŞUŞYK GEÇIRILDI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde 11-nji martda Aşgabatda Türki Döwletleriň Guramasynyň Aksakgallar geňeşiniň 15-nji mejlisiniň çäklerinde duşuşyk geçirildi. Bu barada TDH habar berýär.
TÜRKMENISTAN AWSTRIÝA BILEN IKITARAPLAÝYN GATNAŞYKLARY PUGTALANDYRÝAR
11-nji martda Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Awstriýanyň Ýewropa we halkara işler boýunça federal ministri Aleksandr Şallenberg bilen duşuşyk geçirdi-diýip, TDIM-niň resmi web sahypasynda habar berildi.
SERDAR BERDIMUHAMEDOW HÄKIMLER BILEN IŞ MASLAHATYNY GEÇIRDI
Prezident Serdar Berdimuhamedow 11-nji martda obasenagat toplumyna gözegçilik edýän wise-premýer T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Bu barada TDH habar berýär.
DÜNÝÄ BELLI BEÝIK ŞAHYRY
Türkmenistanyň Eýran Yslam Respublikasyndaky ilçihanasynyň we Ykdysady hyzmatdaşlyk guramasynyň Medeniýet institutynyň goldawy bilen, bu guramanyň binasynda beýik türkmen şahyry we akyldary Magtymguly Pyragynyň doglan gününiň 300 ýyllygy mynasybetli dabaraly çäre geçirildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.