Ösüşleriň giň gerimli binýady
22-07-21
Aragatnaşyk we telekommunikasiýa pudagy häzirki tehnologiýalar döwrüniň gelejegi aýdyň ösüşlere utgaşýan wajyp ulgamy bolup durýar. Gahryman Arkadagymyzyň strategiki diplomatiýasynyň dabaralanmagy netijesinde ýurdumyzyň alysdaky ilatly ýerlerini dowamly binýady kämilleşdirilýän aragatnaşyk hyzmatlarynyň giň mümkinçilikleri bilen üpjün etmek işleri üstünlikli amala aşyrylýar.
Hormatly Prezidentimiziň öňdengörüjilikli diplomatik syýasatynyň durmuşa geçirilmegi bilen dünýäniň öňdebaryjy, has kämil innowasiýa tehnologiýalary ornaşdyrylan aragatnaşyk ulgamynyň pudaklary döredilýän mümkinçiliklerden ýerlikli peýdalanyp, ýurdumyzy sanly ulgama geçirmek babatynda Aşgabat şäherini, welaýat merkezleri, etrap merkezleri we daýhan birleşiklerini maglumat-telekommunikasiýa hyzmatlarynyň ähli görnüşleri bilen üpjün edýär.
«Türkmentelekom» elektrik aragatnaşyk kompaniýasy ýurdumyzyň alys çetlerinde hem aragatnaşyk ulgamynyň magistral we içki zolakly optiki we radio-rele liniýalaryny gurmak, bu babatda halkara bähbitli we ygtybarly hyzmatdaşlyklary ýola goýmak, öýjükli telefon we sorag-jogap hyzmatlaryny, ýokary tizlikli internet elýeterliligini, wideoaragatnaşyk we maslahat-wideoköprüsiniň zerurlygyny üpjün etmek, hyzmatlarynyň hilini, möçberini we görnüşlerini artdyrmak, şeýle-de iri goýum taslamalary we maliýe-ykdysady görkezijileriniň üstünlikli amala aşyrylmagyny «Türkmenistanda 2019-2025-nji ýyllarda sanly ykdysadyýeti ösdürmegiň Konsepsiýasynda» anyk beýan edilen maksatlara laýyklykda ýerine ýetirýär.
«Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň edara-binalary ýurdumyzyň ähli künjeginde ýerleşip, aragatnaşyk ulgamynyň amatly we giň gerimli hyzmatlaryny yzygiderli artdyrýar we sanly ulgama geçiş döwrüniň oňyn netijeleriniň görkezijisi bolup çykyş edýär.
Ýaňy-ýakynda aragatnaşyk ulgamynyň gerimini giňeltmek we hilini ýokarlandyrmak maksady bilen «Belet Film» hyzmaty ýola goýuldy. Bu hyzmat Internet torunyň giň dünýäsine aralaşmak arkaly medeniýetli dynç almagyň bir usuly bolup, halk köpçüliginiň arasynda gysga wagtda meşhurlyk gazandy we häzirki wagtda bu web-saýty ulanyjylaryň sany günsaýyn artýar.
Halkara hyzmatdaşlyklary bolsa aragatnaşyk ulgamynyň köpugurly mümkinçilikleriniň kuwwatyndan netijeli peýdalanmaga, özara bähbitli gatnaşyklaryň ösdürilmegine, ýurdumyzyň sebitde logistiki döwlet hökmünde dabaralanmagyna hemmetaraplaýyn ýardam edýär.
Ýurdumyzyň diwersifikasiýa ýoly bilen abadan durmuşyny üpjün edýän, jemgyýetimiziň sanly giňişligiň amatlyklaryndan doly peýdalanyp, ýaşaýyş-durmuş şertleriniň ýokarlanmagyny batly depginler bilen durmuşa geçirýän Gahryman Arkadagymyzyň jany sag bolsun, il-ýurt bähbitli, umumadamzat ähmiýetli ägirt işleri rowaç alsyn!
Aýgözel ANNAMÄMMEDOWA,
«Türkmenaragatnaşyk» agentliginiň «Türkmentelekom» elektrik aragatnaşyk
kompaniýasynyň hünärmeni.
«Türkmenpoçta» we «TMDrops» onlaýn söwdalar üçin täze çözgütleri işe girizdi
«Türkmenpoçta» poçta aragatnaşyk kompaniýasy «TMDrops» logistika gullugy bilen hyzmatdaşlyk etmek arkaly, Türkmenistanyň ýaşaýjylary üçin halkara onlaýn söwda mümkinçilikleriniň giňeldilýändigini mälim etdi. Täze çözgütler «Amazon», «eBay» we «Zara» ýaly meşhur daşary ýurt internet-dükanlaryndan harytlary sargyt etmäge we olary Türkmenistana getirtmäge şert döredýär.
«Ulag, logistika we gümrük hyzmaty» onlaýn sargyt edilmegine gyzyklanma barha artýar
Türkmenistanda ýazky syýahatçylyk möwsümi dowam edýär, öňde bolsa tomusky dynç alyşlar möwsümi bar. «Awaza» milli syýahatçylyk zolagyna syýahat etmegi meýilleşdirýänler üçin e.gov.tm portaly arkaly biletleri onlaýn satyn almak boýunça amatly hyzmat elýeterlidir.
Dünýäniň 55 ýurdundan wekiller “Ak şäherim Aşgabat” maslahatyna gatnaşarlar
Türkmenistanyň paýtagty Aşgabat şäherinde 24–25-nji maý aralygynda geçiriljek “Ak şäherim Aşgabat 2026” (WCA 2026) atly XXV köpugurly halkara sergisine we maslahatyna dünýäniň 55 ýurdundan 650-den gowrak wekiliň hem-de 100-den gowrak halkara kompaniýanyň gatnaşmagyna garaşylýar. Bu barada çäräni guraýjylar habar berdiler.
Türkmenistanyň IIM-niň ýolbaşçysy “Merkezi Aziýa – Hytaý” duşuşygyna gatnaşdy
Türkmenistanyň içeri işler ministri Muhammet Hydyrow Gazagystanyň Prezidenti Kasym-Žomart Tokaýewiň başlyklyk etmeginde Astanada geçirilen “Merkezi Aziýa – Hytaý” görnüşindäki ugurdaş edaralaryň ýolbaşçylarynyň ikinji duşuşygyna gatnaşdy.
Paýtagtymyzda Ýewraziýa toparyna agza döwletleriň parlament agzalarynyň V forumy geçirildi
19-njy maýda paýtagtymyzda jenaýatçylykly ýol bilen alnan girdejileriň kanunlaşdyrylmagyna we terrorçylygyň maliýeleşdirilmegine garşy hereket etmek boýunça Ýewraziýa toparyna agza döwletleriň parlament agzalarynyň V forumy geçirildi. Ýewraziýa toparynyň 44-nji umumy mejlisiniň çäklerinde geçirilen forum “Garaşsyz, baky Bitarap Türkmenistan — bedew batly at-myradyň mekany” ýylynyň wakalarynyň üstüni ýetirdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.