Beýik ykbally türkmen

Pederleň arzuwlan berkarar ýurdy,

Täze eýýamyny galkynyp gurýar.

Halkyň Arkadagly zamanasynda,

Il-günüň ykbaly bagtdan parlaýar.

Bir supra jem boldy agzybir millet,

Ösüşler ýolunda gadamy batly.

Başymyzda dana Arkadagymyz –

Halkyň howandary, Hakdan halatly.

Jandan eziz Watan bagryna basýar,

Wysala gowuşan berkarar döwri.

Arkadagyň saýasynda gül diýar –

Bagtyň baky mekanyna öwrüldi.

Säherleriň päklgi deý nurana,

Ýüze sylýas galkynyşyn eýýamyň.

Saýry myhman bolup gelse bu ülkä,

Bolar onsoň ömür-baky haýrany.

Guşlaň mukamy deý asman astynda,

Tarypy Ýer ýüzün seýran edýändir.

Şöhratly ärleriň mukaddes ýurdy,

Taryha Gün bolup şöhle saçýandyr.

Gülle Watan, biz hemişe seň bilen –

Millionlarça ýürekleriň joşy bu!

Garaşsyz, Bitarap gözel diýarda,

Iň uly bagt – türkmen bolup ýaşamak!

Gahryman Arkadag – Döwlet guşumyz,

Mertebesi dünýä içre ykrardyr!

Eşretli zamanda döretmek, gurmak –

Rysgally türkmene beýik ykbaldyr!

Nuzgözel POTYÝEWA,
S.A.Nyýazow adyndaky Türkmen oba hojalyk uniwersitetiniň talyby.