• Semeni taýýarlanylýan wagty gögeren bugdaýyň gökje maýsasynyň ýüzüni gyrkyp alyp, ony saçbaga dakar ekenler. Sebäbi ol bagt getirýärmiş.
• ­Nowruzda semene bişiren adam ony ýedi öýe dadyrmalymyş. Şonda rysgalyň ýetmiş esse bolup gaýdyp gelermiş.
• ­Nowruz gijesi asman bulutly ýa-da dumanly bolsa, ýyl ygally gelermiş.
• ­Nowruz güni irden ýere gyraw düşse, toprak hasylly bolarmyş.
• ­Nowruzda baglaryň çygly çybyklaryndan damjalar görnüp dursa, agaçlar hasylly bolar.
• ­Nowruzda suwuň ýüzi gyrpyklap dursa, tomus salkyn bolar.
• ­Nowruzda gar, ýagyş ýagsa, ýyl örän ygally bolar.
• ­Nowruzda örän yssy bolsa, ýylyň gurak geläýmegi ahmal.
• ­Nowruzda gargalar gagyldaşyp ýörse, yzyndaky aýda salkyn boljaklygynyň alamaty.
• ­Nowruzda täze zat geýseň bagt getirermiş.
• ­Nowruzda howa dymyk bolsa, ýaz gurak, tomus örän yssy bolar.
• ­Nowruzda şemal demirgazykdan öwüsse, ýaz ýagyşly, tomus yssy bolar.
• ­Nowruzda şemal günortadan öwüsse, tomus yssy, epgek bolar.
• ­Nowruzda howa sowuk bolsa, däneli ekinler hasylly bolar.
• ­Nowruzda ak ýürekden edilen arzuw hasyl bolarmyş.

Malika ORAZALIÝEWA,
Beki Seýtäkow adyndaky Mugallymçylyk mekdebiniň 1-nji ýyl talyby.