Aragatnaşyk pudagynyň ösüşine goşant goşjak hyzmatdaşlyklar
08-11-23
«Türkmentel-2023» atly XVI Halkara sergisine gatnaşjak kompaniýalar:
Hytaý Halk Respublikasynyň «Huawei Technologies Co., Ltd.» kompaniýasy maglumat we aragatnaşyk tehnologiýasy ulgamynda akylly enjamlary, dürli kompýuter we beýleki tehnologik enjamlary öndürýän dünýäniň öňdebaryjy kompaniýalaryň dünýädäki iň uly kompaniýalaryň biridir.
Kompaniýa diňe bir noutbuklary we kompýuter enjamlaryny däl, eýsem smartfonlary, nauşnikleri, akylly ekranlary, akylly sagatlary, akylly gürleýjileri, akylly äýnekleri we başga tehnologik enjamlary öndürýär.
Kompaniýanyň 170-den gowrak ýurtlarda merkezleri bolup, kompaniýa dünýädäki 3 milliarddan gowrak adamy sanly tehnologiýa bilen üpjün edýär.
Türkiýe döwletiniň «Mia Teknoloji» IT kompaniýasy hem kompýuter we maglumat tehnologiýa ulgamlaryny taslamak, öndürmek, goldamak we satmak, elektron gol we elektron şahadatnamalary bermek, programma üpjünçiligi, okuw we maslahat beriş, senagat dizaýny we her dürli biometrik (Barmak yzy, damar tanamak, ýüz tanamak) ulgam dizaýny, programma üpjünçiligi ýaly IT çözgütleri hödürleýär.
ABŞ-nyň DHL - harytlar we resminamalar üçin halkara ekspress iberiş kompaniýasy 220 ýurt we sebitdäki 120 000-den gowrak şähere gyssagly ýük we resminamalary ibermek hyzmatyny ýerine ýetirýär. Kompaniýanyň 84 000-den gowrak edara binasy, resminamalary we ýükleri daşamak üçin takmynan 34 000 ulag we 260-dan gowrak uçarlary ekspress hyzmatlarynyň ýokary derejesini kepillendirýär. Kompaniýa 2010-njy ýylda Türkmenistanda işe başlady.
"Kyrgyz Poçtasy" açyk paýdarlar jemgyýeti Bütindünýä poçta birleşiginiň agzasy bolup, dünýä tejribelerinden ugur alyp, poçta işini kämilleşdirmekde we ony tehnologiýa döwrüniň talaplaryna laýyk getirmekde ähmiýetli işleri alyp barýar.
«Rostelecom» Russiýany iň uly toplumlaýyn sanly hyzmatlar we çözgütler bilen üpjün edýär. Giň zolakly internete girmek, interaktiw telewideniýe, öýjükli aragatnaşyk, ýerli we uzak aralyk telefon aragatnaşygy ýaly hyzmatlaryny hödürleýär.
Kompaniýa ýokary tizlikli internete girmek we tölegli teleýaýlymlar hyzmaty üçin bazarda öňdebaryjy orny eýeleýär. Şu nukdaý nazardan, kompaniýa elektron hökümeti, kiberhowpsuzlyk, maglumat merkezleri, saglygy goraýyş, bilim, ýaşaýyş jaý we jemgyýetçilik hyzmatlary pudagynda innowasion çözgütler boýunça ykrar edilen tehnologiýa lideri diýip hasaplanýar.
«Motorola Solutions» kompaniýasy telekommunikasiýa, maglumatlary geçirmek we telekommunikasiýa enjamlary bilen üpjün etmekde ýöriteleşen Amerikan kompaniýasydyr. “Motorola Solutions” kompaniýasy göçme radiolary, tetra seriýaly radiolary we mototrbo seriýaly radiolary, akylly sagatlary we smartfonlary öz içine alýan birnäçe önümlerini hödürleýär.
«Delta Telecom» Kawkaz sebitinde 2000-nji ýyldan bäri telekommunikasiýa we maglumat tehnologiýa bazarynda üstünlikli işleýän operatordyr.
Kärhananyň esasy ugry, göwrümine garamazdan kärhanalar we guramalar üçin islendik çylşyrymly telekommunikasiýa taslamalaryny durmuşa geçirmekden we ulamy ösdürmekden ybaratdyr.
«Nokia Corporation» kompaniýasy Finlýandiýa döwletiniň kompaniýasy bolup, ykjam, kesgitli, giň zolakly we IP torlary üçin telekommunikasiýa enjamlaryny öndürýär.
«Gyrgyztelecom» - ýerli, uzak aralyk we halkara telefon aragatnaşygy, maglumatlary geçirmek, telegrafiýa, sim ýaýlymy, kanal kärendesi we internete girmek ýaly köp sanly hyzmatlary hödürleýär.
«Hytera» hytaý kompaniýasy köpçülikleýin söwda we bölekleýin döwlet eýeçiligindäki radio geçiriji we radio ulgamlaryny öndürýär.
«Tranzit Telekom» Sebitara TransitTelecom (MTT) kompaniýasy Russiýanyň uzak aralyk we halkara aragatnaşyk we internete giriş hyzmatlarynyň operatorydyr.
«AzerTelecom» Azerbaýjanda telekommunikasiýa operatory bolup, kompaniýa telekommunikasiýa we ýokary tehnologiýalar ulgamynda internet, hususy liniýa hyzmatlary, ykjam abatlaýyş, halkara tranzit, SIP telefon, FTTB, Maglumat merkeziniň hyzmatlary, VSAT hyzmatlary, VPN (Wirtual Private Network), VoIP (IP üsti bilen ses), DDOS goragy we beýleki hyzmatlary hödürleýär.
«Eutelsat» fransuz hemra telekommunikasiýa kompaniýasydyr. Hemra aragatnaşyk operatorlarynyň arasynda söwda dolanyşygy boýunça dünýäde birinji orny eýeleýär. Kompaniýanyň emeli hemralary howada, gury ýerde we deňizde müşderilerine ýokary hilli aragatnaşyk hyzmatlaryny kepillendirýär.
«NEC» dünýädäki iň uly telekommunikasiýa kompaniýalarynyň biri bolan elektronika, kompýuter enjamlaryny we telekommunikasiýa enjamlaryny öndüriji ýapon kompaniýasydyr.
Häzirki wagtda NEC korporasiýasy öýjükli we kesgitli operatorlar üçin kompýuter esbaplaryny, kommutasiýa enjamlaryny, programma üpjünçiligini we enjamlaryny öndürýär.
«Trend Micro» kiberhowpsuzlyk üçin programma üpjünçiligini döredýän ýapon kompaniýasydyr. Trend Micro sanly enjamlaryň howpsuzlygyny üpjün edýär.
GSMA assosiasiýasy dünýädäki ykjam aragatnaşyk operatorlarynyň guramasydyr. Dünýäniň 800 töweregi öýjükli operatory GSMA-nyň doly agzasy we 400-den gowrak kompaniýanyň assosiasiýa agzasydyr.
«Kazahtelekom» milli kompaniýa statusyna eýe bolan Gazagystanyň telekommunikasiýa kompaniýasydyr. Gazagystanda kesgitlenen telefon aragatnaşygynyň iň uly operatory, şeýle hem milli maglumat geçiriş ulgamynyň iň uly operatorlaryndan biridir.
«PTT» Turkish post yzarlaýyş belgisi, aňsat tanamak we gözegçilik etmek üçin Türk Poçtasy arkaly iberilen her bukja ýa-da poçta ibermelerine bellenen özboluşly harp kodydyr.
“Turkey Post” web saýty, PTT Kargo mobil programmasy ýa-da TrackingMore ýaly üçünji tarap yzarlaýyş hyzmaty arkaly ýollamalary yzarlap bolýar. Iberiş wagtynda önümleriň howpsuzlygyny üpjün etmek, netijelilik we jogapkärçilik poçta gullugynyň baş maksady bolup durýar.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
Gruziýa we Merkezi Aziýa ýurtlary ulag-logistika hyzmatdaşlygyny ösdürmegi maslahatlaşdy
Gruziýanyň we Merkezi Aziýa ýurtlarynyň daşary işler ministrleri 23-nji oktýabrda Batumi şäherinde geçirilen duşuşykda Merkezi Aziýa bilen Gara deňiz sebitiniň arasyndaky ulag we üstaşyr geçelgelerini ösdürmek meselelerini maslahatlaşdylar. Bu barada Türkmenistanyň Daşary işler ministrligi habar berýär.
Türkmenbaşy we Alýat portlarynyň arasynda fider gatnawyny ýola goýmak meýilleşdirilýär
Orta geçelge boýunça ýük daşamalaryny ösdürmek maksady bilen, Türkmenbaşy we Alýat portlarynyň arasynda yzygiderli fider gatnawyny ýola goýmak teklip edilýär. Bu barada Azerbaýjanyň Ekspeditorlar assosiasiýasynyň başlygynyň orunbasary, “U.F.E. Shipping” kompaniýasynyň baş direktory Elmir Poladow Ýewropa Bileleşigi bilen Azerbaýjanyň arasynda geçirilen 2026-njy ýyldaky Işewürlik forumynda eden çykyşynda aýtdy diýip, “Report” habar berýär.
Türkmenistan bilen BMG-niň Ösüş maksatnamasy hyzmatdaşlygyň geljegi uly ugurlaryny ara alyp maslahatlaşdy
26-njy oktýabrda Türkmenistanyň Daşary işler ministri Raşid Meredow Birleşen Milletler Guramasynyň Ösüş maksatnamasynyň (BMGÖM) Türkmenistandaky Hemişelik wekili Narine Saakýan bilen duşuşdy.
Türkmenistanyň Prezidentiniň Bitaraplyga bagyşlanan kitabynyň ýapon dilindäki neşiri tanyşdyryldy
Düýn Türkmenistanyň Daşary işler ministrliginiň Halkara gatnaşyklary institutynda hormatly Prezidentimiziň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitabynyň ýapon dilindäki neşiriniň tanyşdyrylyş dabarasy geçirildi.
Türkmenistanda Aşgabat – Daşoguz awtomobil ýoly gurlar
Türkmenistanyň Prezidenti Serdar Berdimuhamedow Awtomobil ulaglary ministrligine umumy uzynlygy 546 kilometre deň bolan Aşgabat – Daşoguz awtomobil ýolynyň taslamasyny taýýarlamak hem-de gurluşygyny amala aşyrmak boýunça şertnamalary baglaşmaga rugsat berýän Karara gol çekdi. Bu barada Türkmenistanyň resmi metbugaty habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.