Habarlar / TÄZELIKLER
TÄZELIKLER
«Lebapawtoulag» önümçilik birleşiginde işleriň depgini artýar
Hormatly Prezidentimiziň ýolbaşçylygynda Berkarar döwletiň täze eýýamynyň Galkynyşy döwrüniň her bir güni uly ösüşlere beslenýär. Il-ýurt bähbitli alnyp barylýan şeýle ösüşli, ýokary netijeli işlere dahylly bolmak hyjuwy her bir zähmet adamsyny joşgunly işläp, oňa öz mynasyp goşandyny goşmaga ruhlandyrýar.
Daşoguz welaýatynda ýokary tizlikli internet ulanyjylaryň sany ep-esli artdy
“Daşoguztelekom” welaýat elektrik aragatnaşyk kärhanasy geçen ýylyň netijeleri boýunça ýokary tizlikli internet ulanyjylaryň sanynyň ep-esli artandygyny habar berýär. Geçen ýylyň dowamynda welaýat boýunça telefon nokatlarynyň 6 müň 820-siniň deregine 9 müň 134-si ýokary tizlikli internet ulgamyna birikdirildi. Bu barada “Türkmenistan” gazetinde habar berilýär.
Demirgazyk-Günorta: Türkmenbaşy Halkara deňiz portuny infrastruktura sanawyna goşmak meýilleşdirilýär
Demirgazyk – Günorta halkara ulag geçelgesi üçin ulag-logistika merkezleriniň sanly sanawy döredilýär we oňa Türkmenbaşy Halkara deňiz portunyň infrastrukturasy barada maglumaty girizmek meýilleşdirilýär.
Özbegistanyň hususy awiakompaniýasynyň uçary Türkmenabatdaky ilkinji gonuşyny amala aşyrdy
Türkmenabat Halkara howa menziliniň hyzmatdaşlarynyň hataryna Özbegistanyň «MY Freighter» hususy awiakompaniýasy hem goşuldy. Ýakynda bu awiakompaniýanyň ýük uçary welaýat merkezindäki halkara howa menzilinde täjirçilik maksatly ilkinji gonuşyny amala aşyrdy.
Aziýadan Ýewropa konteýner daşamagyň bahasy iki esse ýokarlandy
Halkara bron platformasy bolan “Freightos”-yň habar bermegine görä, 2024-nji ýylyň ýanwar aýynda Aziýadan Demirgazyk Ýewropa 40 futlyk konteýneri daşamagyň bahasy iki esse artyp, 4000 ABŞ dollaryna ýetdi, şol bir wagtyň özünde Ortaýer deňziniň ýurtlaryna Gyzyl deňziň we Sues kanalynyň üsti bilen konteýner ugratmagyň bahasy bolsa 5175 ABŞ dollaryna çenli ýokarlandy.
"Türkmendeňizderýaýollary" agentligi hormat hatyna mynasyp boldy
Türkmenistanyň Prezidentiniň 2022-nji ýylyň 27-nji dekabryndaky 374 belgili karary bilen tassyklanan Türkmenistanyň Adatdan daşary ýagdaýlar baradaky döwlet toparynyň 2023-nji ýylyň iş meýilnamasy esasynda “Türkmendeňizderýaýollary” agentligi toplumlaýyn tälim beriş-türgenleşik okuwy geçirildi.
Paýtagtymyzda tehnologiýa seminary geçirildi
Ýekşenbe güni “Google-yň” işläp taýýarlaýjylar topary (GDG) Aşgabatda “Google” korporasiýasynyň işläp taýýarlaýjylara hödürleýän mümkinçiliklerine bagyşlap, çäre gurady. Tehnologiýa söhbetdeşligi Türkmenistanyň Senagatçylar we telekeçiler birleşmesiniň binasynda geçirildi. Çärä tejribelik geçýän işläp taýýarlaýjylar, işewür wekiller we mekdep okuwçylary gatnaşdylar.
ŞHG-ä agza ýurtlar bilelikde Tehnoparklaryň bileleşigini dörederler
Gazagystanyň sanly ösüş, innowasiýalar we aerokosmiki senagat ministri Bagdat Musin Almaty şäherinde geçirilen Şanhaý Hyzmatdaşlyk Guramasyna agza döwletleriň maglumat we aragatnaşyk tehnologiýalarynyň ösüşine jogapkär ministrlikleriniň we edaralarynyň ýolbaşçylarynyň üçünji maslahatynda şeýle başlangyç bilen çykyş etdi.
Gamburgda Bütindünýä portlar maslahaty geçiriler
Gamburg porty tarapyndan hemaýatkärlik edilmeginde 8-10-njy oktýabr aralygynda Gamburgda geçiriljek “IAPH 2024 Bütindünýä portlary maslahatynyň”, maslahatyň täze hyzmatdaşy bolan “Mercator Media” tarapyndan berlen täze portaly bar.
ÝB-niň Türkmenistandaky wekilhanasy IT- hyzmatlaryny bermek boýunça tender yglan edýär
Ýewropa Bileleşiginiň Türkmenistandaky wekilhanasy ýerli IT- hyzmatlaryny ýerine ýetirmek bilen baglanşykly meýilleşdirilen tenderine gatnaşmaga çagyrýar
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.