Habarlar / TÄZELIKLER
TÄZELIKLER
Türkmenistanyň we Russiýanyň daşary işler ministrleri köptaraply hyzmatdaşlygyň maksatnamalaryny maslahatlaşdylar
Türkmenistanyň daşary işler ministri Raşid Meredow bilen Russiýanyň daşary işler ministri Sergeý Lawrow ikitaraplaýyn we köptaraplaýyn görnüşde, hususan-da, Birleşen Milletler Guramasynyň we Garaşsyz Döwletleriň Arkalaşygynyň çäklerinde hyzmatdaşlygy ara alyp maslahatlaşmak üçin 2025-nji ýylyň 14-nji fewralynda telefon arkaly söhbetdeş boldular.
ÝUNESKO-nyň işleri barada Türkmenistanyň milli toparynyň mejlisi
15-nji fewralda hormatly Prezidentimiz Serdar Berdimuhamedowyň tabşyrygy boýunça Daşary işler ministrliginde BMG-niň Bilim, ylym we medeniýet meseleleri boýunça guramasynyň (ÝUNESKO) işleri barada Türkmenistanyň milli toparynyň nobatdaky mejlisi geçirildi.
Ženewada Türkmenistanyň SPECA başlyklyk etmeginiň çäklerinde ulag boýunça çäre geçirildi
“Ýewropanyň we Aziýanyň çatrygyndaky SPECA sebiti: Durnukly multimodal ugurlary ösdürmekde sebitara baglanyşygy ösdürmek” – şeýle at bilen çäräni, Türkmenistanyň BMG-niň Ženewadaky edarasynyň ýanyndaky Hemişelik wekilhanasy Ýewropa ykdysady komissiýasynyň (BMG-niň ÝYK) Sekretariaty bilen bilelikde gurnady.
Türkmen wekiliýeti Tähranda geçiriljek üçünji Hazar ykdysady forumyna gatnaşar
17-18-nji fewralda Tähranda üçünji Hazar ykdysady forumy geçiriler. Oňa Türkmenistandan hem ýokary derejeli wekiliýet gatnaşar. "Watan" habarlar gepleşiginde habar berlişi ýaly, bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasynyň Prezidenti Masud Pezeşkian bilen bolan telefon arkaly söhbetdeşliginde aýtdy.
«Ahalawtoulag» önümçilik birleşigi sürüjiler üçin boş iş orunlarynyň bardygyny yglan etdi
«Ahalawtoulag» önümçilik birleşigi sürüjiler üçin boş iş orunlarynyň bardygyny yglan etdi. Iş ýerleri degişli sürüjilik şahadatnamasy we ýeterlik iş tejribesi bolan adamlar üçin açykdyr.
Türkmenistan we Eýran Yslam Respublikasy hyzmatdaşlygy giňeltmegiň mümkinçiliklerini ara alyp maslahatlaşdy
12-nji fewralda Tähranda Türkmenistanyň we Eýran Yslam Respublikasynyň daşary işler ministrlikleriniň arasynda syýasy geňeşmeler geçirildi. Türkmen tarapyna Türkmenistanyň Daşary işler ministri Raşid Meredow, eýran tarapyna bolsa Eýranyň Daşary işler ministri Seýed Abbas Arakçi ýolbaşçylyk etdi.
“Türkmen hemrasy” ÝGPJ audit barlagyny geçirmek boýunça bäsleşik yglan edýär
“Türkmen hemrasy” ýapyk görnüşli paýdarlar jemgyýeti 2025-nji ýylda paýdarlar jemgyýetiniň maliýe-ykdysady ýagdaýy babatda audit barlagyny geçirmek üçin audit edaralaryndan amala aşyryp biljek audit hyzmatlary boýunça täjirçilik (gutarnykly bahalaryny görkezmek bilen) tekliplerini bermeklerini soraýar.
«Türkmenpoçta» Bütindünýä poçta birleşiginiň halkara sanly ulgamyna birikdiriler
“Türkmenpoçta” poçta aragatnaşyk kärhanasy Bütindünýä poçta birleşiginiň (BPB) halkara sanly ulgamlaryna synag işlerini geçirmek üçin birikdirildi. Bu iş doly ornaşdyrylandan soň, müşderiler ýollamalaryň häzirki wagtda niredeligini onlaýn yzarlap, eltip bermek hyzmatyny awtomatik görnüşde hasaplap, poçta belliklerini döredip, töleg geçirmegiň dürli görnüşlerinden peýdalanyp, köp dilli interfeýse elýeterliligi alyp bilerler diýip, “Türkmenistan” gazetinde çarşenbe güni habar berildi.
Berkarar döwletiň täze eýýamynyň Galkynyşy döwrüniň ýyl ýazgysy — 2024-nji ýyl: Bilim we ylym ulgamy
Ýurdumyzyň ykdysady we tehniki kuwwatyny pugtalandyrmak, aň-paýhas mümkinçiliklerini ýokarlandyrmak, halkymyzyň abadançylygynyň bähbidine ylym-bilim ulgamyny hemmetaraplaýyn ösdürmek hormatly Prezidentimiz Serdar Berdimuhamedowyň alyp barýan döwlet syýasatynyň ileri tutulýan ugurlarynyň biridir. Milli maksatnamalara laýyklykda, 2024-nji ýylda hem bu ulgamlary düýpli özgertmäge gönükdirilen toplumlaýyn çäreler durmuşa geçirildi.
SANLY TEHNOLOGIÝALAR – GIŇ MÜMKINÇILIKLER
Arkadagly Gahryman Serdarymyzyň parasatly baştutanlygynda Berkarar döwletiň täze eýýamynyň Galkynyşy döwründe milli ykdysadyýetimizi diwersifkasiýalaşdyrmak, elektron senagatyny ösdürmek, maglumat-kommunikasiýa tehnologiýalarynyň soňky gazananlaryna esaslanýan ösen ykdysadyýeti kemala getirmek boýunça netijeli işler alnyp barylýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.