Habarlar / TÄZELIKLER
TÄZELIKLER
Gazagystan we Türkmenistan demir ýol, deňiz hem-de awtoulag gatnawy boýunça hyzmatdaşlygy ýola goýmagy we ösdürmegi meýilleşdirýärler
Gazagystanyň hökümeti ulag, logistika we üstaşyr daşaýyş ulgamynda Türkmenistanyň hökümeti bilen strategik hyzmatdaşlyk boýunça baglaşylan Ylalaşygy tassyklamak hakynda kanun taslamasyny taýýarlady. "Kursiv media"-nyň habar bermegine görä, goňşy ýurduň hökümeti bu resminamanyň parlament tarapyndan kabul edilmegi bilen özara ýük daşaýyşlarynyň möçberiniň artmagyna getirer.
Türkmenistanyň we Russiýanyň DIM-leri bilelikdäki ykdysady we ynsanperwer taslamalary maslahatlaşdylar
Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow 25-nji iýunda Aşgabatda Russiýa Federasiýasynyň daşary işler ministri Sergeý Lawrow bilen gepleşikleri geçirdi. Duşuşygyň dowamynda strategik hyzmatdaşlygyň pugtalandyrylmagy, şeýle hem bilelikdäki ykdysady we ynsanperwer başlangyçlaryň durmuşa geçirilmegi bilen baglanyşykly meseleler ara alnyp maslahatlaşyldy. Bu barada Russiýanyň DIM-i habar berýär.
Medeniýet hepdeligi — 2025: dördünji gün
Şu günler Ahal welaýaty “Halkara parahatçylyk we ynanyşmak ýyly” şygary astynda geçýän, ýurdumyzyň hemişelik Bitaraplygynyň 30 ýyllygyna beslenýän şanly ýylda geçirilýän Medeniýet hepdeliginiň giň gerimli çäreleriniň ýaýbaňlandyrylýan merkezine öwrülýär. Mazmun taýdan dürlüligi bilen tapawutlanýandygyna garamazdan, bu çäreler bitewi pikir-düşünjäni — milli medeniýetiň nesilden-nesle geçirilýändigini aýdyň şöhlelendirýär.
Türkmenistanyň DIM-de Türkmenistan bilen Aziýa ösüş bankynyň arasyndaky hyzmatdaşlygyň 25 ýyllygyna bagyşlanan tegelek stol maslahaty geçirildi
2025-nji ýylyň 24-nji iýunynda Türkmenistanyň DIM-iň binasynda Türkmenistan bilen Aziýa ösüş bankynyň arasyndaky hyzmatdaşlygynyň 25 ýyllygyna bagyşlanan tegelek stol maslahaty geçirildi.
«Awtomobil ulag hyzmaty» Aşgabat bilen Awazanyň arasynda ikinji gündelik gatnawyny ýola goýar
25-nji iýundan başlap «Awtomobil Ulag Hyzmaty» açyk görnüşli paýdarlar jemgyýeti Aşgabat — Awaza — Aşgabat ugry boýunça ikinji gündelik gatnawyny ýola goýýar. Bu ýolagçylara meşhur türkmen şypahana künjegine syýahat etmek üçin has amatly wagta meýilleşdirmäge mümkinçilik berer.
Russiýanyň daşary işler ministri resmi sapar bilen Türkmenistana geldi
Russiýanyň daşary işler ministri Sergeý Lawrow resmi sapar bilen Türkmenistana geldi. Russiýanyň daşary syýasat edarasynyň ýolbaşçysynyň uçary Aşgabadyň halkara howa menziline gondy diýip, TASS habarlar agentliginiň habarçysy habar berdi.
Türkmenistanyň Daşary işler ministriniň ABŞ-nyň Döwlet sekretary bilen telefon arkaly söhbetdeşligi
2025-nji ýylyň 24-nji iýunynda Türkmenistanyň Daşary işler ministri Raşid Meredowyň ABŞ-nyň Döwlet sekretary Marko Rubio bilen telefon arkaly söhbetdeşligi geçirildi. Söhbetdeşligiň dowamynda taraplar giň gerimli ugurlar boýunça pikir alyşdylar.
Aşgabatda käbir awtobus ugurlarynyň gatnajak ýoly üýtgedildi
“Türkmenawtoulaglary” agentliginiň garamagyndaky Aşgabatdaky ýolagçy awtoulag kärhanasyna degişli bolan 100-nji “Teke bazar – Arkadag şäheri” awtobus ugruna raýatlaryň tomus dynç alyş möwsüminde “Tebigatyň janly muzeýine” bökdençsiz barmaklaryny gazanmak maksady bilen 2025-nji ýylyň iýun aýynyň 23-den üýtgeşme girizedigini habar berýär.
“Temir baba” geçelgesiniň 2025-nji ýylda ulanyşa berilmegi meýilleşdirilýär
Gazagystan bilen Türkmenistanyň araçäginde ýerleşýän täzelenen “Temir baba” awtoulag geçelgesiniň 2025-nji ýylyň ahyryna çenli ulanyşa berilmegi meýilleşdirilýär. Bu barada Gazagystanyň Maliýe ministrliginiň Döwlet girdejileri baradaky komitetiniň başlygynyň orunbasary Bakytjan Slýamow Gazagystanyň Prezidentiniň ýanyndaky “Merkezi aragatnaşyk gullugynyň” metbugat maslahatynda habar berdi.
Türkmen zyýaratçylary Watanymyza dolanyp geldiler
24-nji iýunda yslam dünýäsiniň mukaddes ýerleri hasaplanýan Mekge we Medine şäherlerine haj parzyny berjaý etmek üçin giden ildeşlerimiz Watanymyza dolanyp geldiler. Saud Arabystany Patyşalygyna zyýaraty amala aşyran toparyň agzalary haj parzyny ýerine ýetirmek babatda döwlet tarapyndan alada edilýändigi üçin hajy Arkadagymyza we Arkadagly hajy Serdarymyza alkyşlaryny beýan etdiler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.