Habarlar
Habarlar
Türkmenistanda birnäçe ulag-infrastruktura taslamalary durmuşa geçirilýär
Aşgabadyň Halkara howa menzilinde angarlar toplumynyň, Balkan welaýatynyň Jebel şäherçesinde täze Halkara howa menziliniň gurluşyklary dowam etdirilýär diýip, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew anna güni sanly ulgam arkaly geçirilen Ministrler Kabinetiniň nobatdaky mejlisiniň dowamynda Türkmenistanyň Prezidenti Serdar Berdimuhamedowa hasabat berdi.
«Sanly çözgüt — 2022»: 240-dan gowrak taslama hödürlendi
4-nji noýabrda sanly ulgam arkaly geçirilen Ministrler Kabinetiniň mejlisinde Ulag we kommunikasiýalar agentliginiň Baş direktory M.Çakyýew «Sanly çözgüt — 2022» atly innowasion taslamalaryň bäsleşiginiň jemleriniň 2022-nji ýylyň 10-11-nji noýabry aralygynda guraljak Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel – 2022» atly XV halkara sergisini we ylmy maslahatynyň çäklerinde jemlenjekdigini mälim etdi.
Özbegistanda halkara ulag sergisinde AÝS-MA-Ýewropa ugry görkezildi
Daşkentde “Ulag we logistika – TransLogistica Uzbekistan 2022” atly 18-nji Halkara sergisi geçirilýär. Sergide CASCA+ multimodal ulag geçelgesiniň ugry aýratyn stend hökmünde görkezildi.
Türkiýäniň awiakompaniýasy uçar gatnawlaryny artdyrýar
Türkiýäniň «Türk howa ýollary» awiakompaniýasy 2022-nji ýylyň dekabr aýyndan başlap Türkmenistana adaty uçar gatnawlarynyň sanyny artdyrýar. «Türk howa ýollary» awiakompaniýasy dekabr aýyndan başlap, hepdede 3 gezek Türkmenistana howa gatnawlaryny amala aşyrar.
KERWENLER GEÇEN ÝOLDUR BU ÝOLLAR
Gadymy döwürlerde dünýä döwletlerini ruhy-medeni, söwda-ykdysady hyzmatdaşlyk gatnaşyklary arkaly jebis birleşdiren Beýik Ýüpek ýolunyň ýüregi bolan ýurdumyzyň döwlet syýasatynda ulag geçelgeleriniň sazlaşykly ulgamyny döretmek ileri tutulýan ugur bolup durýar. Geçen ýyllaryň içinde Gahryman Arkadagymyzyň öňdengörüjilikli baştutanlygynda bu ugurda üstünlikli durmuşa geçirilen taryhy taslamalar nusgalykdyr
RAÝAT AWIASIÝASYNYŇ HALKARA GATNAWLARYNYŇ GERIMI GIŇEÝÄR
Dubaý halkara howa menziliniň (BAE) resmi web sahypasynda 2022-nji ýylyň noýabr aýyndan güýje girýän Türkmenistana täzelenen uçuş tertibi yglan edildi.
Daşary ýurt we türkmen awtoulag sürüjileriniň dykgatyna
Bildirilýän talaplary berjaý etmek şerti bilen, 2022-nji ýylyň 7-nji noýabryndan Türkmenbaşy halkara deňiz portundan, Artyk, Sarahs, Garabogaz, Altyn asyr, Daşoguz, Köneürgenç, Farap, Ymamnazar we Serhetabat awtoýol gözegçilik-geçiriş ýerlerinden daşary ýurt we türkmen awtoulag serişdeleriniň sürüjileri bilen ýurdumyzyň çägine gelmeklerine, gitmeklerine hem-de üstaşyr geçmeklerine rugsat berildi.
Abu-Dabi howa menzili Türkmenistana uçuşlaryň täzeden başlamagyna garaşýar
Abu-Dabi halkara howa menzili (BAE) 2022-nji ýylyň noýabr aýynda Türkmenistan bilen halkara gatnawlaryny täzeden başlamagy meýilleşdirýär diýip, «Zawya» onlaýn neşiri howa menziliniň täjirçilik direktory Fransua Burýene salgylanyp habar berdi.
Türkmenistandan üstaşyr geçýän Russiýa-Eýran yzygiderli konteýner otlusynyň gatnawy ýola goýuldy
Russiýanyň döwlet demirýollary (RŽD) AGPJ-niň golçur kompaniýasy bolan “RŽD Logistika” Demirgazyk-Günorta halkara ulag geçelgesiniň gündogar şahasy boýunça Russiýadan Eýrana ilkinji yzygiderli konteýner otlysynyň gatnawyny ýola goýdy.
Ýurdumyzda ýene-de bir elektron žurnal dörediler
Türkmenistanyň Ylymlar akademiýasynyň Tehnologiýalar merkezinde geçirilýän düýpli we amaly taýdan ähmiýetli ylmy barlaglar, “Türkmenistanda innowasiýa tehnologiýalary” atly ylmy-amaly elektron žurnalyny döretmek boýunça geçirilýän işler barada Ministrler Kabinetiniň mejlisinde hasabat berildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.