Habarlar
Habarlar
Guradylan miweleriň peýdasy barada
Ol ýürege we aşgazan-içege oňyn täsir edýär we görüşi gowulandyrýar. Guradylan erikleri yzygiderli iýmek, gan damarlarynyň petiklenmek howpuny peseldýär we gan aýlanyşygyny gowulandyrýar, sagdyn derini, dyrnaklary we saçlary ösdürýär. Guradylan erik gemoglobini köpeldýär we aşgazan-içege kesellerinde peýdalydyr. Guradylan miweler, çişmä garşy gowy serişdedir.
BERKARAR DÖWLETIMIZIŇ ŞANLY GADAMLARY
Berkarar döwletiň täze eýýamynyň Galkynyşy döwri türkmen halkyna uly bagty peşgeş berdi. Garaşsyzlyk we Bitaraplyk halkymyzyň milli akabasyna dolanyp gelmek isleginiň, erkanalyk ruhunyň köňüllerde şinelän binýady netijesinde bina boldy. Sebäbi türkmen halkynyň ruhy dünýäsinde geçmişde azat hem erkin durmuşy gurmaklygyň gymmatynyň aýratyn orny bardy.
«SAGLYK» DÖWLET MAKSATNAMASY ŞÖHRATLANÝAR
«Arkadag Serdarly bagtyýar ýaşlar» diýlip yglan edilen şanly ýylymyzda toýlar toýlara ulaşýar. Bu ýyl mukaddes Garaşsyzlygymyza eýe bolmagymyzyň 32 ýyllyk, hemişelik Bitaraplygymyzyň 28 ýyllyk toýy bilen birlikde «Saglyk» Döwlet maksatnamasynyň kabul edilenine hem 28 ýyl dolýar.
Wagt bu uly gymmatlykdyr
Şu gün etmeli işiňizi, sapagyňyzy ýa-da meseläňizi ertire goýmaň. Sebäbi her günüň öz işi bar. Bir gezekde diňe bir zady ediň, bir sapak, bir kitap, hatda bir bap üstünde işläň. Pikiriňizi sowmazlyk üçin.
EKOLOGIÝA ABADANÇYLYGY — ABADAN DURMUŞYŇ KEPILI
Berkarar döwletiň täze eýýamynyň Galkynyşy döwründe hormatly Prezidentimiziň öňdengörüjilikli pähim-paýhasy bilen ýurdumyzyň ekologiýa abadançylygyna aýratyn ähmiýet berilýär. Bu ugurda amala aşyrylýan giň gerimli işler özüniň oňyn netijelerini berýär. Mähriban Arkadagymyzyň nygtaýşy ýaly, daşky gurşawa aýawly garamak, bu ugurda öňde goýlan wezipeleri çözmek häzirki we geljekki nesilleriň abadan durmuşda ýaşamagy hem-de saglygy baradaky alada bilen berk baglanyşyklydyr.
BINA BAKY BOLÝAR, BINÝAT BERK BOLSA
Arkadagly Serdarymyzyň üstünlikli durmuşa geçirýän içeri we daşary syýasatynyň özeni milli ykdysadyýetimiziň ähli pudaklary üçin ýokary derejeli, ýiti zehinli, giň dünýägaraýyşly hünärmenleri taýýarlamak bolup durýar. Dünýäniň öňdebaryjy döwletlerinde bolşy ýaly, Garaşsyz, hemişelik Bitarap ýurdumyzda hem ylym-bilime aýratyn üns berilýär. Hormatly Prezidentimiziň belleýşi ýaly, adamzat jemgyýetiniň ösüşi ylym we bilim bilen özara baglanyşyklydyr.
KÄMIL BILIM – ÖSÜŞE TARAP ULY ÄDIM
Berkarar döwletiň täze eýýamynyň Galkynyşy döwründe Arkadagly Serdarymyzyň parasatly baştutanlygynda ýurdumyzyň milli bilim ulgamy gün günden kämilleşýär. Häzirki wagtda ulgamy döwrüň talabyna laýyk ösdürmek, has-da döwrebaplaşdyrmak, sanly bilim ulgamyna geçmek boýunça öňde goýulýan wezipeler toplumlaýyn çözülýär. Ýurdumyzda döwrebap bilim ojaklarynyň gurluşygyna uly üns berilýär.
BAGTYÝAR ÝAŞLAR — WATANYMYZYŇ GELJEGI
Berkarar döwletimiziň bagtyýarlyk döwründe Gahryman Arkadagymyzyň il-ýurt bähbitli amala aşyrýan işleriniň hatarynda ýaşlar hakyndaky alada döwlet syýasatynyň ileri tutulýan ugurlarynyň birine öwrüldi. Ýurdumyzda ýaşlaryň ösen döwrüň talaplaryna laýyk derejede bilimli, terbiýeli, sagdyn bolmagy, hünär almagy we ylmy döredijilige ugrukmagy üçin yzygiderli işler durmuşa geçirilýär.
Saglyk - baş baýlyk
Her ýylyň 7-nji apreli 1948-nji ýylda döredilen Bütindünýä saglygy goraýyş guramasy tarapyndan kabul edilen, Bütindünýä saglyk günini ähli ýurtlar diýen ýaly gyzgalaňly ýagdaýda belleýärler. Bu baýramy bellemeklik 1950-nji ýyldan bäri dünýä ýurtlarynda, şeýle-de biziň ýurdumyzda-da uly däbe öwrüldi. Bütindünýä saglygy goraýyş guramasy 194 sany döwletiň agzalygyndan ybaratdyr. Onuň esasy baş wezipesi dünýä ilatynyň halkara saglyk meselelerini çözmekdir.
Ak mermerli Aşgabat – Watanymyzyň ýüregi
Ak mermerden ajaýyp binalary bilen Ginnesiň rekordlar kitabyndan mynasyp orun alan paýtagt şäherimiz Aşgabady görmäge göz gerek. Owadan hem abadan ýaşaýyş ynsan ömrüne ömür goşýar. Ak şäherde bolsa ýaşamak, okamak, döretmek, zähmet çekmek, dynç almak üçin ähli şertler bar. Paýtagtymyzda gurulýan medeni-durmuş maksatly binalar, ýaşaýyş jaý toplumlary, söwda we dynç alyş merkezleri — bularyň ählisi aşgabatlylaryň döwrebap ýaşaýşyny üpjün edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.