2024-NJI ÝYLYŇ IŇ GOWY FUTBOLÇYSY
31-10-24
Ispaniýanyň ýygyndysynyň we Angliýanyň «Mançester Siti» klubynyň ýarym goragçysy Rodri «France Football» žurnalynyň möwsümiň iň gowy futbolçysyna gowşurýan abraýly «Altyn top» baýragyna mynasyp boldy. Dabaraly gowşurylyş dabarasy duşenbe güni Parižiň Şatle teatrynda geçirildi. Baýragy Rodrä «Altyn top» baýragynyň taryhynda oňa Afrikadan ýeke-täk eýe bolan we Liberiýanyň ozalky prezidenti Jorj Wea gowşurdy.
Geçen möwsümde Rodri örän uly üstünlikleri gazandy: «Mançester Siti» bilen Angliýanyň çempiony boldy, Ispaniýanyň ýygyndysynyň düzüminde Ýewropa çempionatynyň ýeňijisi bolmak miýesser etdi. Sentýabr aýynda dyzyna agyr şikes alandygyna garamazdan, Rodri dabaranyň alyp baryjysy Didýe Drogbanyň goldawy bilen pişegine daýanyp sahna çykdy. Bu pursat ähli gatnaşyjylar üçin aýratyn täsirli boldy.
Rodriden başga-da, ilkinji dörtlüge dalaşgärleriň hataryna Madridiň «Real» klubynyň üç oýunçysy - toparyň kapitany Dani Karwahal (4-nji orun), Angliýanyň ýarym goragçysy Jud Bellingem (3-nji orun) we braziliýaly hüjümçi Winisus Junior (2-nji orun) giripdi. Rodri 1960-njy ýyldan bäri «Altyn topy» alan ilkinji ispaniýaly boldy. Şol wagt bu baýragy almak Luis Suares Miramontese miýesser edipdi.
Şeýle hem dabarada futbol dünýäsiniň beýleki görnükli şahsyýetleriniň gazananlary bellenildi. Madridiň «Realyna» baştutanlyk edýän italiýaly Karlo Ançelotti 2023/24-nji ýyllaryň möwsüminiň iň gowy tälimçisi diýlip ykrar edildi.
Onuň ýolbaşçylygynda «Real» Ispaniýanyň çempiony, Çempionlar Ligasynyň we Ispaniýanyň Super kubogy ýaryşlarynyň ýeňijisi boldy.
Zenanlar futbolynda dünýäniň iň gowy tälimçisi diýlip Emma Heýz saýlandy. Ol geçen möwsümde Londonyň «Çelsi» klubyna ýolbaşçylyk edipdi we ABŞ-nyň ýygyndysyny Parižde geçirilen Olimpiýa oýunlarynda altyn medala ýetiripdi.
Angliýanyň «Aston Willa» klubunyň argentinaly derwezeçisi Emiliano Martines yzly-yzyna ikinji gezek iň gowy derwezeçi hökmünde Lew Ýaşin adyndaky baýragy aldy. Münheniň «Bawarýasynyň» hüjümçisi Garri Keýn bilen Madridiň «Realynyň» oýunçysy Kilian Mbappe möwsümiň iň gowy hüjümçisine berilýän Gerd Müller adyndaky baýragy paýlaşdylar. «Barselonanyň» we Ispaniýanyň ýygyndysynyň oýunçysy Lamin Ýamal bolsa möwsümiň iň gowy ýaş oýunçysyna berilýän Reýmon Kopa adyndaky baýraga mynasyp boldy.
Begli Döwranow,
Türkmen döwlet binagärlik-gurluşyk institutynyň Ýol gurluşygy fakultetiniň 5-nji ýyl talyby.
MEŞHURLYGY BOÝUNÇA DÜNÝÄDE 2-NJI ORNUNDAKY SPORTUŇ GÖRNÜŞI
Häzirki döwürde sport – adamzadyň durmuşynda ähmiýetli orny eýeleýär. Ol käbirlerimiz üçin tomaşa, wagtyňy şatlykly geçirmek üçin güýmenje ýa-da saglygyňy berkitmek üçin serişde bolup durýar. Dünýäde sporty hünärine öwren türgenleriň ýa-da onuň bilen meşgullanýan höwesjeňleriň, şeýle-de oňa janköýerlik edýänleriň sany sanardan köpdir. Ine sportuň dürli görnüşleriniň meşhurlygynyň özeni şundadyr.
ÝAGYRNYSY ÝERE DEGMEDIK PÄLWANLAR
Guşakly göreş edil milli göreşimiz ýaly, halkymyzyň sebitlerinde uly gyzyklanma eýe bolupdyr. Bu ugurda köp sanly pälwanlarymyz kemala gelipdir. Munuň şeýledigine, halk arasyndaky aýtgylar hem doly şaýatlyk edýär. «Ýagyrnysy ýere degmedik pälwanlar» adyny alyp, toýlarymyzy bezäp, agyr mähelläniň baýramçylyk ruhuny belende galdyran türkmen pälwanlarynyň inçelik bilen göreşe erk edişleri dünýä jemgyýetçiligi tarapyndan hem gyzyklanma bilen syn edilýär.
2024-NJI ÝYLYŇ IŇ GOWY FUTBOLÇYSY
Ispaniýanyň ýygyndysynyň we Angliýanyň «Mançester Siti» klubynyň ýarym goragçysy Rodri «France Football» žurnalynyň möwsümiň iň gowy futbolçysyna gowşurýan abraýly «Altyn top» baýragyna mynasyp boldy. Dabaraly gowşurylyş dabarasy duşenbe güni Parižiň Şatle teatrynda geçirildi. Baýragy Rodrä «Altyn top» baýragynyň taryhynda oňa Afrikadan ýeke-täk eýe bolan we Liberiýanyň ozalky prezidenti Jorj Wea gowşurdy.
Samboçylardan hoş habar
Ussat türkmen türgenleri 52 döwletiň wekilleriniň gatnaşmagynda 11 — 13-nji noýabr aralygynda geçirilen dünýä çempionatyndan üstünlik bilen dolandylar.
Türkmenistan «ISU»-nyň doly hukukly agzasy boldy
«International Skating Union» ýa-da başgaça aýdanymyzda ISU sport äleminde abraýly guramalaryň biridir. Ýakynda, eziz Diýarymyz Türkmenistan hem ISU-nyň doly hukukly agzalygyna kabul edildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.