Habarlar / TÄZELIKLER
TÄZELIKLER
Şu gün Aşgabatda Türkmenistan bilen Tailandyň futbol ýygyndylary duşuşar
Türkmenistanyň futbol boýunça milli ýygyndysy Aziýa Kubogynyň-2027-niň saýlama tapgyrynda Tailandyň ýygyndy toparynyň garşysyna ýaşyl köýnekçede çykyş eder. “D” toparçanyň ikinji tapgyry şu gün, 10-njy iýunda «Aşgabat» köpugurly stadionynda geçiriler. Duşuşyk Aşgabat wagty bilen sagat 20:00-da başlanar.
Innowasiýa hyzmatdaşy: “Aýdyň Gijeler” Türkmenistanyň ýokary tehnologiýaly üstünligiň ýolunda
Türkmenistanda täze elektron we sanly tehnologiýa senagaty çalt depginde ösdürilýär we “Aýdyň Gijeler” hojalyk jemgyýeti bu özgerişleriň öňde hataryndadyr. Ýokary tehnologiýaly önüm öndürmekde eýýäm özüni milli marka hökmünde görkezen bu kompaniýa, ýurtda tehnologiki ösüşi ep-esli çaltlaşdyrmagy wada berýän birnäçe strategiki halkara hyzmatdaşlyga girmek arkaly öz ornuny berkitdi.
Haj parzlaryny ýerine ýetirýän türkmen raýatlary Mekgede sadaka berdiler
Saud Arabystany Patyşalygynyň Mekge we Medine şäherlerine haj parzlaryny ýerine ýetirmäge giden türkmen raýatlary Gurban baýramy günlerinde bu ýerde sadaka berdiler. Bu barada “Türkmenistan” gazetiniň duşenbe günindäki sanynda habar berilýär.
Türkmenistanda Gurban baýramy bellenildi
Türkmenistanda külli yslam dünýäsiniň esasy baýramlarynyň biri bolan ruhy bitewüligi, jebisligi we asylly maksatlary özünde jemleýän mukaddes Gurban baýramy giňden bellenildi
Söwda ulgamynyň ösdürilmegi — milli ykdysadyýeti pugtalandyrmagyň möhüm şerti
Söwda we telekeçilik ulgamyny ösdürmek halkymyzyň durmuş abadançylygynyň derejesini ýokarlandyrmaga, Diýarymyzyň azyk bolçulygyny pugtalandyrmaga gönükdirilen ykdysady syýasatyň esasy ugurlarynyň biridir. Bu ulgamdaky özgertmeler ýurdumyzda amala aşyrylýan giň gerimli durmuş-ykdysady maksatnamalaryň, bazar gatnaşyklarynyň ýokary netijelere beslenýändigini aýdyň görkezýär.
Milli raýat awiasiýasynyň şu ýylyň 5 aýy boýunça ýerine ýetiren hyzmatlarynyň ösüş depgini 120,5 göterime deň boldy
Hökümet mejlisiniň dowamynda Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew gözegçilik edýän ulgamlarynda şu ýylyň ýanwar — maý aýlarynda alnyp barlan işleriň netijeleri barada hasabat berdi. Hasabat döwründe bu toplum boýunça ýerine ýetirilen işleriň we hyzmatlaryň ösüş depgini 115,3 göterime deň boldy.
Türkmenistan BMG-niň Ykdysady we Durmuş Geňeşiniň agzalygyna saýlandy
2025-nji ýylyň 4-nji iýunynda Birleşen Milletler Guramasynyň Baş Assambleýasynyň 79-njy sessiýasynyň 75-nji plenar mejlisinde Türkmenistan 2026–2028-nji ýyllar üçin BMG-niň Ykdysady we Durmuş Geňeşiniň (ECOSOC) agzalygyna saýlandy. Bu barada Türkmenistanyň Gyrgyz Respublikasyndaky ilçihanasy habar berýär.
Türkmenistanyň wekiliýeti BMG-niň Syýahatçylyk guramasynyň Ýewropa sebiti üçin Komissiýasynyň 71-nji mejlisine gatnaşdy
2025-nji ýylyň 4-6-njy iýuny aralygynda Azerbaýjanyň Respublikasynyň Baku şäherinde BMG - Syýahatçylyk guramasynyň Ýewropa sebiti üçin Komissiýasynyň 71-nji mejlisi geçirildi. Mejlise Türkmenistanyň Germaniýa Federatiw Respublikasyndaky Adatdan daşary we Doly ygtyýarly Ilçisi, Türkmenistanyň BMG - Syýahatçylyk guramasynyň ýanyndaky Hemişelik wekili B.Rejepow ýolbaşçylygyndaky wekiliýet gatnaşdy.
Türkmenistan Durnukly ösüş boýunça Tbiliside geçirilen sebitleýin foruma gatnaşdy
Aşgabat şäher häkimliginiň wekilleri 2025-nji ýylyň 5-6-njy iýuny aralygynda geçirilen “Durnukly durmuş-ykdysady ösüşde parahatçylygyň orny” atly Durnukly ösüş boýunça Tbilisi sebitleýin forumyna gatnaşdylar. Bu barada Türkmenistanyň Gruziýadaky Ilçihanasy habar berdi.
Türkmenistan Tähranda geçirilen YHG-niň ulag ministrleriniň mejlisine gatnaşdy
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň ýolbaşçylygyndaky türkmen wekiliýeti duşenbe güni Tähranda geçirilen Ykdysady Hyzmatdaşlyk Guramasyna (YHG) agza ýurtlaryň ulag ministrleriniň 13-nji mejlisine gatnaşdy. Bu barada Türkmenistanyň resmi metbugaty sişenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.