Habarlar / TÄZELIKLER
TÄZELIKLER
Türkmenistan BAE bilen bilelikdäki ulag-logistika kompaniýasyny döretmegi meýilleşdirýär
Türkmenistanyň daşary işler ministrliginiň wekiliýeti Abu-Dabide birnäçe gepleşikleri geçirdi. BAE bilen bilelikdäki ulag-logistika kompaniýasyny döretmek we täze maýa goýum taslamalaryny amala aşyrmak ara alnyp maslahatlaşylan meseleleriň hatarynda boldy.
Türkmenbaşy halkara deňiz portunyň üsti bilen üstaşyr ýükleriň möçberi artýar
Ýurdumyzyň deňiz portunyň üsti bilen Belarus Respublikasynyň önüm öndürijileriniň ýükleriniň köp mukdary, hususan-da, kaliý dökünleri üstaşyr eksporta iberilýär diýip, Astrahan sebitiniň senagat we tebigy baýlyklar ministri Ilýa Wolinskiý aýtdy.
iOS 16 indi Türkmenistanda hem elýeterli
12-nji sentýabrda Aşgabat wagty bilen sagat 22:00-da «Apple»-iň iOS ykjam operasiýa ulgamynyň 16-njy tapgyry türkmenistanly ulanyjylar üçin elýeterli edildi. Täzelenmäni talaba laýyk gelýän enjamlaryň ählisinde göçürip alyp bolýar. Has takygy, ol iPhone 8 we ondan soňky modelleriň ählisi üçin niýetlenendir.
“Türkmendeňizderýaýollary” agentliginde söhbetdeşlik çäresi geçirildi
2022-nji ýylyň 9-njy sentýabrynda “Türkmendeňizderýaýollary” agentliginiň hem-de Türkmenistanyň Magtymguly adyndaky Ýaşlar guramasynyň bilelikde guramagynda Türkmenistanyň Garaşsyzlygynyň 31 ýyllygy mynasybetli tegelek stoluň başynda söhbetdeşlik çäresi geçirildi.
Elektron infrastrukturanyň üstünlikleri milli ykdysadyýetimiziň özgeriş açarydyr
Berkarar döwletimiziň täze eýýamynyň Galkynyşy döwründe Hormatly Prezidentimiziň ýolbaşçylygynda öňdebaryjy tehnologiýalar we innowasiýalar arkaly milli ykdysadyýetimiziň ähli pudaklaryny sanlaşdyrmagyň ösüşi gazanylýar.
Türkmenistana özbek traktor tirkegleriniň täze tapgyry getirildi
«Daşkent Agro Traktor» paýdarlar jemgyýeti tarapyndan öndürilen 270 sany täze traktor tirkegleri Türkmenistana getirildi. Bu barada «Нейтральный Туркменистан» gazetinde habar berilýär.
Türkmenistanda halkara howa gatnawlarynyň ugurlary we sany köpeler
Hormatly Prezidentimiz Serdar Berdimuhamedow Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewe halkara howa gatnawlarynyň ugurlaryny we sanyny köpeltmek boýunça teklipleri taýýarlamak barada görkezme berdi.
Ulag-aragatnaşyk ulgamynyň durnukly ösüşi
Hormatly Prezidentimiz Serdar Berdimuhamedow 9-njy sentýabrda sanly ulgam arkaly Ministrler Kabinetiniň nobatdaky mejlisini geçirdi. Onda şu ýylyň sekiz aýynda ýerine ýetirilen işleriň jemleri jemlenildi, ýurdumyzy durmuş-ykdysady taýdan ösdürmegiň möhüm wezipeleri ara alnyp maslahatlaşyldy. Ýurdumyzyň ähli pudaklarynda bolşy ýaly, ulag-aragatnaşyk ulgamynda hem durnukly ösüş gazanylýar.
Türkmenistan bilen Özbegistan ikitaraplaýyn köpugurly hyzmatdaşlygyny ösdürýär
Özbegistanyň Premýer-ministriniň orunbasary, Maýa goýumlar we daşary söwda ministri we Türkmenistanyň Ministrler Kabinetiniň Başlygynyň söwda we dokma toplumyna gözegçilik edýän orunbasary 7-nji sentýabrda Daşkent şäherinde geçirilen duşuşygyň dowamynda ikitaraplaýyn söwdany ýakyn wagtda 2 milliard ABŞ dollaryna çenli ýokarlandyrmaga taýýardyklaryny mälim etdiler. Bu barada Özbegistanyň Maýa goýumlar we daşary söwda ministrliginiň metbugat gullugy habar berdi.
Türkmenistan bilen Azerbaýjan ulag-üstaşyr gatnaşyklaryny berkidýär
Azerbaýjanyň Ykdysadyýet ministrliginde türkmen-azerbaýjan hökümetara toparynyň azerbaýjan tarapyndan ýolbaşçysy, ykdysadyýet ministri Mikail Jabbarow Türkmenistanyň Azerbaýjan Respublikasyndaky Adatdan daşary we Doly ygtyýarly ilçisi Gurbanmämmet Elýasow bilen duşuşdy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.