Saglyk — ynsan üçin iň gymmatly baýlyk. Durmuşyň hözirini görüp, emin-erkana ýaşamak, zähmet çekmek, döretmek üçin ynsana, ilkinji nobatda, jan saglyk gerek. Filosofiýanyň ägirdi Platonyň sözi bilen aýtsak, saglyk hemme zat däl, emma hemme zat saglyksyz hiç zat. Şu ýörelgeden ugur alnyp, Gahryman Arkadagymyz tarapyndan başy başlanan saglygy goraýyş ulgamyny yzygiderli döwrebaplaşdyrmak bilen bagly tutumlar Arkadagly Serdarymyzyň baştutanlygynda Berkarar döwletiň täze eýýamynyň Galkynyşy döwründe mynasyp dowam etdirilýär.

Berkarar döwletiň täze eýýamynyň Galkynyşy döwründe ýurdumyzyň esasy baýlygy bolan halkymyzyň saglygyny goramakda yzygiderli işler durmuşa ornaşdyrylýar. Soňky ýyllarda dün­ýä ölçeglerindäki halkara sport çärelerini geçirmegiň merkezleriniň biri bolan Türkmenistan döwletimizde köp sanly sport, beden­terbiýe-sagaldyş hereketleri, dürli ýaryşlar we beýleki çäreler giňden ýaýbaňlandyrylýar.

Gözel paýtagtymyz Aşgabadyň ýakynynda ýerleşen Köpetdagyň dag gerişlerinden çekilen Saglyk ýoluna köpçülikleýin ýöriş guralýar. Ýurdumyzyň dürli künjeklerinde Bilim, Sport we ýaşlar syýasaty, Saglygy goraýyş we derman senagaty ministrlikleri hem-de beýleki pudaklaýyn edaralar, kärhanalar, ýokary okuw mekdepleri, jemgyýetçilik guramalary tarapyndan medeni-sport çäreleri guralýar. Bu bolsa häzirki döwürde ýurdumyzda her bir adamyň sportuň islendik görnüşi bilen meşgullanmagy, saglygyny berkitmegi üçin ähli şertleriň döredilendiginiň aýdyň beýanydyr.

«Pähim-paýhas ummany Magtymguly Pyragy» ýylynda ýurdumyzda köp sanly sport, bedenterbiýe-sagaldyş hereketlerini wagyz edýän hem-de medeni, sungat we beýleki çäreleriň ýaýbaňlandyrylmagy döwrebap ösüşlerimizde şu ugurlara berilýän uly orundan nyşandyr. Ýurdumyzda sporty we bedenterbiýäni ösdürmäge, şeýle hem, sport medeniýetini galkyndyrmaga-da aýratyn ähmiýet berilýär. Berkarar döwletimizde sport bilen meşgullanmak üçin hem ähli şertler döredilen. Bu bolsa her bir adamyň beden taýdan sagdyn bolmagyna mümkinçilik berýär. Gözel Diýarymyzda adamlaryň saglygyny goramak wezipesi ähli zatlary öz içine alýan ulgamdyr we tutuş milletiň hem-de aýratyn alnan her bir adamyň ýaşaýyş durmuşyny üpjün etmegiň gündelik hakykatydyr.

Biz ýaşlara şeýle ajaýyp zamanada okamaga, döretmäge döredip berýän ajaýyp mümkinçilikleri üçin türkmen halkynyň Milli Lideriniň hem-de Arkadag Prezidentimiziň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!

Amanmyrat GOÇMYRADOW,
Myrat Garryýew adyndaky Türkmenistanyň Döwlet lukmançylyk uniwersitetiniň Patologik anatomiýa kafedrasynyň mugallymy.