Habarlar / TÄZELIKLER
TÄZELIKLER
“Ýükle” daşaýjylary gözlemek işini ýeňilleşdirýär
“Ýükle” mobil goşundysy daşaýjylary gözlemekde netijeli çözgütleri hödürlemek bilen logistika babatda telekeçleriň mümkinçiliklerini giňeldýär. Ýükleriň eýeleri indi ýüküň esasy aýratynlyklary – onuň ady, barmaly ýeri, äkitmekde gerek bolan ulag görnüşi ýaly maglumatlary görkezmek bilen özleriniň ýüztutmalaryny ýerleşdirip bilerler.
Gazagystan Hazarüsti geçelgesi boýunça ýük daşamalaryny ýokarlandyrmagy meýilleşdirýär
Gazagystany Azerbaýjan, Türkiýe we Gruziýa bilen birleşdirýän Hazarüsti geçelgesi halkara logistikanyň we ýük daşamalarynyň möhüm bölegi boldy. 2023-nji ýylda bu geçelgäniň üsti bilen ýük daşamalaryň möçberi 4,5 mln tonna çenli ýokarlandy. Bu hem geçen ýyl bilen deňeşdirilende, 62% köpdür. Gazagystan 2027-nji ýyla çenli bu möçberi ýylda 10 mln tonna çenli ýokarlandyrmagy meýilleşdirýär.
“Türkmendeňizderýaýollary” agentligi ätiýaçlyk şaýlary we enjamlary satyn almak boýunça halkara bäsleşigiň möhletini uzaldýar
“Türkmendeňizderýaýollary” agentligi “Gudrat” tirkeg gämisi üçin gerekli ätiýaçlyk şaýlaryny we enjamlaryny satyn almak boýunça açyk görnüşli halkara bäsleşigiň möhletini uzaldýar
Türkmenistan ösüşiň täze sepgitlerini nazarlaýar
Geçen hepdäniň wakalary hormatly Prezidentimiz Serdar Berdimuhamedowyň oýlanyşykly ykdysady strategiýasynyň, Halkara parahatçylyk we ynanyşmak ýylynda ýurdumyzda amala aşyrylýan giň möçberli özgertmeleriň Watanymyzy ösüşiň täze sepgitlerine ýetirmäge, halkymyzyň ýaşaýyş-durmuş derejesini has-da ýokarlandyrmaga, ähli gyzyklanma bildirýän ýurtlar bilen netijeli dialogy çuňlaşdyrmaga gönükdirilendigini aýdyň görkezdi.
“Türkmenhowaýollary” agentliginiň Jemagat hojalyk kärhanasy bag nahallaryna ideg etmek boýunça tender yglan edýär
“Türkmenhowaýollary” agentliginiň Jemagat hojalyk kärhanasy Bäherden etrabynyň “Ýyly suw” şypahanasynyň günorta-gündogar tarapynda we Ahal welaýatynyň Ýangala obasynyň gündogar-günbatar tarapyndaky tokaý zolaklarynda ýerleşýän bag nahallara ideg etmek boýunça bäsleşik yglan edýär
Türkmenistan IFT 2025 Halkara maýa goýum forumyna taýýarlanýar
“Türkmenistanyň geljegine maýa goýumlar” (IFT 2025) atly hususy bölege maýa goýumlary çekmek boýunça Halkara forumynyň başlanmagyna biraz wagt galdy. Bu möhüm çäre 2025-nji ýylyň 18-nji martynda geçirilip, dürli ýurtlardan telekeçiligiň tanymal wekillerini, maýadarlary we ekseprtleri ýygnar.
Tähranda Eýran bilen Türkmenistanyň arasynda bilelikdäki söwda zolagyny döretmek meselesini ara alyp maslahatlaşýar
Geçen hepde Tähranda Ykdysady Hyzmatdaşlyk Guramasynyň Baş sekretarýatynyň edara binasynda Türkmenistanyň we Eýran Yslam Respublikasynyň degişli ministrlikleriniň we pudaklaýyn edaralarynyň wekilleriniň duşuşygy geçirildi. Bu ýerde iki ýurduň arasynda bilelikdäki söwda zolagyny döretmegiň dürli taraplary ara alnyp maslahatlaşyldy diýip, YRHA habar berýär.
“REMEZAN DIÝERLER AÝYŇ ÝAGŞYSYN”
Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň taýsyz tagallalary bilen ýurdumyzda halkymyzyň köpasyrlyk däp-dessurlaryna aýawly garamak, ruhy baýlygymyzy aýawly saklamak babatda giň gerimli işler alnyp barylýar. Şonuň netijesinde, Oraza baýramy ýurdumyzda giňden bellenilip, jemgyýeti jebisleşdirýän, watançylyk duýgularyny terbiýeleýän medeni çäreler guralýar.
“Demirgazyk — Günorta” halkara ulag geçelgesiniň ykdysady ähmiýeti
Russiýanyň ýük daşama bazarynyň ugrukdyryjylarynyň biri Holding Finance Broker ulag-logistika kompaniýasynyň baş direktory Tatýana Kulýabina 2025-nji ýylda logistika bazarynyň ösüşi barada RBK beren interwýusynda häzirki wagtda iň geljegi uly taslamanyň “Demirgazyk — Günorta” halkara ulag geçelgesidigini (HUG) belledi.
Türkmenistan bilen Eýran serhetýaka söwda meýdançasyny gurmagy maslahatlaşdylar
Türkmenistanyň we Eýranyň döwlet edaralary çarşenbe güni Ykdysady Hyzmatdaşlyk Guramasynyň Sekretariatynda ýörite iş toparynyň nobatdaky duşuşygyny geçirdiler. Onda türkmen-eýran serhedinde söwda meýdançasyny gurmak bilen baglanyşykly meseleler ara alnyp maslahatlaşyldy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.