Habarlar / TÄZELIKLER
TÄZELIKLER
«Türkmenistan» awiakompaniýasy çagalaryň Awazada dynç almagy üçin goşmaça uçar gatnawlaryny guraýar
«Türkmenistan» awiakompaniýasy 2025-nji ýylyň 17–26-njy awgusty aralygynda Mary, Lebap we Daşoguz welaýatlaryndan çagalary Türkmenistanyň «Awaza» milli syýahatçylyk zolagyndaky sagaldyş-dikeldiş merkezlerine äkidip-getirmek maksady bilen, goşmaça uçar gatnawlaryny guraýar. Bu hakda «Türkmenhowaýollary» döwlet gullugy habar berýär.
Bilim ministrligi "MenTalyp" atly täze programmany işe girizdi
Türkmenistanyň Bilim ministrligi "MenTalyp" atly täze programmany işe girizdi. Bu programma dalaşgärlere ýurdumyzyň ýokary okuw mekdeplerine giriş synaglaryny tabşyrmak üçin taýýarlyk görmek maksady bilen döredildi.
IAEA-nyň wekilýeti Awazada geçiriljek LLDC3 maslahatyna gatnaşmagy meýilleşdirýär
Atom energiýasy boýunça halkara agentligi (IAEA) 2025-nji ýylyň 5–8-nji awgusty aralygynda Awazada geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahatyna (LLDC3) ýokary derejede gatnaşmagy meýilleşdirýär. Bu barada Agentligiň Baş direktory Rafael Grossi IAEA-däki Türkmenistanyň hemişelik wekili hem-de ýurduň Awstriýadaky ilçisi Hemra Amanazarow bilen geçiren duşuşygynda mälim etdi.
Türkmen türgenleri «Ýüpek ýoly – 2025» rallisinde birinjiligi eýelediler
12-nji iýulda badalga alan Russiýa Federasiýasyndan Mongoliýa Respublikasyna uzaýan «Ýüpek ýoly – 2025» rallisi 22-nji iýulda tamamlandy.
«Türkmenistan» awiakompaniýasy ýurduň içerki uçar gatnawlarynyň tertibini täzeledi
«Türkmenistan» awiakompaniýasynyň resmi saýtynda ýurduň çäklerinde amala aşyrylýan uçar gatnawlarynyň täze tertibi ýerleşdirildi. Bu tertip 2025-nji ýylyň 25-nji iýulyndan güýje girýär.
Türkmenistanyň ýokary okuw mekdepleri BMG-niň Deňze çykalgasy bolmadyk ýurtlar boýunça maslahatyna meýletinçileri taýýarlaýarlar
Türkmenistanyň ýokary okuw mekdeplerinde «Awaza» milli syýahatçylyk zolagynda geçiriljek BMG-niň deňze çykalgasy bolmadyk ösüp barýan ýurtlar boýunça Üçünji maslahatyna taýýarlyk bilen bagly okuw sapaklary geçirilýär.
Eýranyň Sarahs demir ýolunyň gurluşygy tamamlaýjy tapgyrda alnyp barylýar
Türkmenistan bilen serhetleşýän Eýranyň Sarahs demir ýol geçelgesiniň gurluşygy tamamlaýjy tapgyra gadam basdy. Häzirki wagta çenli taslamanyň 60%-i ýerine ýetirildi. Bu barada IRNA agentligi ýekşenbe güni habar berdi.
Türkmenistanda “Dalaşgär – 2025” şygary esasynda interaktiw platforma işe girizildi
Türkmenistanyň Bilim ministrligi tarapyndan “Dalaşgär – 2025” şygary esasynda Ýokary okuw mekdeplerine resminamalary tabşyran dalaşgärleriň san maglumatynyň aç-açanlygyny üpjün etmek maksady bilen dalasgar.bilim.tm atly täze interaktiw internet-platforma işe girizildi.
“Rhenus Group” Türkmenistan arkaly logistikanyň göwrümini artdyrmagy meýilleşdirýär
Türkmenistanyň Belgiýadaky ilçisi Sapar Pälwanow Brusselde halkara logistika kompaniýasy bolan “Rhenus Group”-nyň strategik taslamalar boýunça direktory Genrih Kerşten bilen duşuşyk geçirdi. Gepleşikler kompaniýanyň Türkmenistanyň territoriýasy arkaly ýük daşamalarynyň mukdaryny artdyrmaga bagyşlandy. Bu barada Türkmenistanyň Belgiýadaky ilçihanasy anna güni habar berdi.
Eýranyň Türkmenistana ulaglar arkaly eksporty üç aýda 13%-den gowrak artdy
Eýranyň nebite degişli bolmadyk önümleriniň Türkmenistana eksporty geçen ýylyň şol bir döwri bilen deňeşdirilende, häzirki eýran ýylynyň ilkinji üç aýynda (2025-nji ýylyň 21-nji martdan 21-nji iýuna çenli) möçber taýdan 5,22%, nyrh taýdan bolsa 13,2% ýokarlandy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.