Habarlar / TÄZELIKLER
TÄZELIKLER
“Eşretli syýahat”: Türkiýä üçin arzan bahaly bilet
Ýokary hilli syýahatçylyk hyzmatlaryny hödürleýän “Eşretli Syýahat” hojalyk jemgyýeti Aşgabat-Stambul-Aşgabat ugry boýunça arzan bahaly bilet mümkinçiliginden peýdalanmaga çagyrýar. “Türkhowaýollary” awiakompaniýasynyň Aşgabat-Stambul-Aşgabat ugry boýunça uçar gatnawynyň awiabiletiniň bahasy bary-ýogy 490 ABŞ-nyň dollaryna deňdir.
Türkmenistan we Owganystan Turgundy portunyň kuwwatyny ýokarlandyrmagy ara alyp maslahatlaşdy
Golaýda Türkmenistanyň Owganystandaky ilçisi Hoja Öwezow Kabulda Owganystanyň demirýol müdirliginiň başlygy Maulawi Bahtur-Rahman Şarafat bilen duşuşdy. Duşuşyk iki taraplaýyn gatnaşyklary we Owganystan bilen Türkmenistanyň arasynda demir ýol aragatnaşygy hem-de üstaşyr geçiş pudagyndaky hyzmatdaşlygy pugtalandyrmak meselelerine bagyşlandy diýip, «nCa» internet portaly habar berdi.
Türkmenistanda kiberhowpsuzlygy boýunça hünärmenler taýýarlanar
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew ýurdumyzyň kiberhowpsuzlygyny berkitmek hem-de bu ugurda ýokary derejeli hünärmenleri taýýarlamak boýunça alnyp barylýan işler barada hasabat berdi.
«Flydubai» awiakompaniýasy Türkmenistan bilen amala aşyrylýan howa gatnawlarynyň sanyny artdyrmak teklip edildi
BAE-de iş saparynyň çäklerinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Dubai Aviation Corporation» («Flydubai») kompaniýasynyň täjirçilik direktory Hamad Obaýdalla bilen duşuşygy boldy.
“Demirýollary” AGPJ gaýtadan halkara tender yglan edýär
“Demirýollary” açyk görnüşli paýdarlar jemgyýeti merkezleşdirilen duýduryş blokirleme ulgamy (signalizasiýa) we telemehanika ulgamy üçin gerekli enjamlary we abzallary satyn almak boýunça gaýtadan №DÝ/AGPJ-025 belgili açyk halkara tender yglan edýär
Ýanwar-noýabr 2023: Türkmenistan bilen Azerbaýjanyň arasyndaky ulaglar arkaly söwda dolanyşygy 73% ýokarlandy
2023-nji ýylyň ýanwar-noýabr aýlarynda Türkmenistan bilen Azerbaýjanyň arasyndaky ulaglar arkaly söwda dolanyşygy 2022-nji ýylyň degişli döwri bilen deňeşdirilende 73 göterim ýa-da 311,8 million ABŞ dollary möçberinde ýokarlandy.
BMG Türkmenistanyň başlangyjy boýunça 2026 – 2035-nji ýyllary «Durnukly ulagyň onýyllygy» diýip atlandyrdy
Ýakynda BMG-niň Baş Assambleýasy Türkmenistanyň başlangyjy bilen ulag we energetika boýunça iki Kararnamany kabul etdi. Bu Kararnamalar BMG-niň 6 resmi – iňlis, arap, ispan, hytaý, rus we fransuz dillerinde ýaýradyldy diýip, Türkmenistanyň Ministrler Kabinetiniň ýanyndaky Ulag we kommunikasiýalar agentligi habar berdi.
Türkmenistanda kiberhowpsuzlygy berkitmek boýunça çäreler görülýär
6-njy ýanwarda sanly ulgam arkaly geçirilen Türkmenistanyň Ministrler Kabinetiniň nobatdaky mejlisinde Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew ýurduň kiberhowpsuzlygyny berkitmek hem-de bu ugurda ýokary derejeli hünärmenleri taýýarlamak boýunça alnyp barylýan işler barada döwlet Baştutanyna hasabat berdi. Bu barada "Watan" habarlar gepleşiginde habar berildi.
«Flydubai» türkmen uçarmanlary üçin okuwlary geçirer
Türkmenistanyň Ministrler Kabinetiniň ýanyndaky Ulag we kommunikasiýalar agentligi bilen «Dubai Aviation Corporation» kompaniýasynyň arasynda uçarmanlary taýýarlamak boýunça özara düşünişmek hakyndaky Ähtnama gol çekildi. Bu barada «Türkmenhowaýollary» agentligi habar berýär.
«Türkmenistan» awiakompaniýasy Milana, Kuala-Lumpura, Jidda we Hoşimine uçuşlaryny dowam etdirer
Türkmenistanyň howa ýollary Aşgabatdan Milana (Italiýa), Kuala-Lumpura (Malaýziýa), Jidda (Saud Arabystany) we Hoşimine (Wýetnam) uçuşlaryny dowam etdirer. Muny turkmenistanairlines.tm web sahypasyndaky täzelenen maglumatlar görkezýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.