Habarlar / TÄZELIKLER
TÄZELIKLER
Arkadag şäherinde ilkinji gezek Täze ýyl dabaralary geçirildi
Täze ýyl agşamynda Arkadag şäheriniň meýdançasynda aýdymçylaryň we döredijilik toparlarynyň gatnaşmagynda ilkinji gezek köpöwüşginli Täze ýyl çykyşlary boldy. Türkmenistanyň täze şäheri ilkinji gezek ýurduň dürli sebitleriniň ýaşaýjylaryny we Aşgabat şäherini baglanyşdyrýan baýramçylyk teleköprüsine gatnaşdy.
Türkmenistan täze — 2024-nji ýyly jebislikde, ýagşy arzuwlar bilen garşylady
Hemmelere bagt we şatlyk, ýagşy umyt-arzuwlary eçilýän, köp garaşdyran Täze ýyl baýramy ýetip geldi. Şu pursatlarda ýurdumyzyň ýene bir geçen döwrüniň jemleri jemlenilýär hem-de geljek üçin anyk meýilnamalar düzülýär. Tutuş Diýarymyz baýramçylyk keşbine girýär, Watanymyzyň her bir künjeginde ýokary ruhubelentlik ýagdaýy emele gelýär.
Türkmenistanyň Mejlisiniň 2024-nji ýyly «Pähim-paýhas ummany Magtymguly Pyragy» ýyly diýip yglan etmek hakynda karary
Berkarar döwletiň täze eýýamynyň Galkynyşy döwründe türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, hormatly Prezidentimiz Serdar Berdimuhamedowyň tagallalary bilen Arkadag Serdarly bagtyýar ýaşlar ýyly uly üstünliklere beslendi. Garaşsyz, hemişelik Bitarap ýurdumyz 2024-nji ýyla hem uly ruhubelentlik bilen gadam basýar.
Stambulda Özbegistan-Türkmenistan-Eýran-Türkiýe multimodal ulag geçelgesini ösdürmek boýunça çäreler ylalaşyldy
Türkmenistanyň, Özbegistanyň, Eýranyň we Türkiýäniň demirýol edaralarynyň wekilleri Stambul şäherinde ilkinji bilelikdäki mejlisi geçirdiler. Onda Özbegistan-Türkmenistan-Eýran-Türkiýe multimodal ulag geçelgesini ösdürmek meseleleri ara alnyp maslahatlaşyldy.
AŞTU aragatnaşyk hyzmatlary bermegiň häzirki zaman görnüşlerini ýaýbaňlandyrýar
Yslam Ösüş banky tarapyndan ýurdumyzyň aragatnaşyk ulgamyny ösdürmek maksady bilen goýberilen serişdeleri özleşdirmegiň hasabyna durmuşa geçirilýän birnäçe taslamalaryň çäklerinde Aşgabat şäheriniň telekommunikasiýa infrastrukturasyny düýpgöter özgertmek, maddy-enjamlaýyn binýadyny kämilleşdirmek boýunça işler alnyp barylýar.
Täze ýyl baýramynyň bellenýän günlerinde hödürlenýän awtoulag hyzmatlary
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentligi Täze ýyl baýramy mynasybetli 2023-nji ýylyň 31-nji dekabry sagat 06:00-dan 2024-nji ýylyň 1-nji ýanwary sagat 01:00-a çenli awtobus hyzmatlarynyň, şeýle hem gije-gündiziň dowamynda taksi hyzmatlarynyň ýerine ýetiriljekdigi barada habar berýär.
2023-nji ýyl meniň durmuşymda
Berkarar döwletiň täze eýýamynyň Galkynyşy döwrüniň her bir güni taryhy ähmiýetli wakalara, hakydalara baky möhürlenen pursatlara beslenýär. Aýratyn hem, Arkadag Serdarly bagtyýar ýaşlar ýyly täze taryhy döwrüň şanly senenamasyna altyn harplar bilen ýazyljak wakalara baý boldy.
«TMCARFAX» onlaýn hyzmaty awtoulagy satyn almazdan öň VIN kody boýunça barlamagy hödürleýär
Häzirki döwürde sürlüp ýörülen awtoulagy satyn almak töwekgelçiliklidir. Käbir satyjylaryň alyjydan awtoulagyň awariýa bolandygy, geçen ýoly barada, şeýle-de ulagyň howpsuzlygyna we hiline täsir edýän beýleki ýagdaýlaryny gizleýän wagtlary az däl. Şeýle ýagdaýlardan seresap bolmak we zerur maglumatlaryň ählisini bir ýerden alyp wagt tygşytlamak üçin awtoulagy satyn almazdan öňinçä «TMCARFAX» onlaýn hyzmaty arkaly ulagyň VIN kodundan peýdalanyp onuň taryhyny barlamak maslahat berilýär.
Halal zähmet – ýeňişli ýollara badalga
Ýaşlykdan öz ukyp başarnygyňa görä hünär saýlamak, her bir adamyň durmuşynda örän möhüm meseleleriň biri bolýar. Saýlap alan hünäriň boýunça yhlas bilen tutanýerli zähmet çekmek bolsa öz miwesini berýär. Gahryman Arkadagymyzyň beýik başlangyçlary hem-de Arkadagly Gahryman Serdarymyzyň taýsyz tagallalary bilen ýurdumyzda ýaşlarymyzyň köpugurly bilim almaklary, ylmy gözlegler bilen meşgullanmaklary, döredijilikli zähmet çekmekleri üçin ähli şertler döredilýär.
Türkmenistan ýaşlar syýasatynda, ulagda we saglygy goraýyşda gazanan üstünlikleri üçin halkara baýraklara eýe boldy
Aşgabatdaky Söwda-senagat edarasynda halkara ylmy-amaly maslahatyň we köpugurly serginiň açylyş dabarasy geçirildi. Ol «Arkadag Serdarly bagtyýar ýaşlar ýyly» şygary astynda tamamlanyp barýan ýylyň jemlerini jemleýän özboluşly çärä öwrüldi. Oňa daşary döwletleriň, halkara guramalaryň ýurtdaky diplomatik wekilhanalarynyň ýolbaşçylary hem gatnaşýar diýip, TDH ýazýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.