Habarlar / TÄZELIKLER
TÄZELIKLER
Türkmenistanyň ulag-kommunikasiýa toplumynda wezipelere çemeleşmeler seljerildi
23-nji awgustda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň umumy mejlisinde geçen hepde Awazada “Aşgabat prosesi” boýunça beýan edilen çözgütler bilen baglylykda, ýurdumyzyň ulag-kommunikasiýa toplumynyň öňünde durýan wezipeler ara alnyp maslahatlaşyldy.
AUHB halkara ýük gatnawlarynda Türkmenistan bilen işjeň hyzmatdaşlyk edýär
Awtomobil ulaglarynyň halkara birleşmesi (AUHB) halkara ulag ýük gatnawlary babatda Türkmenistan bilen alnyp barylýan işjeň hyzmatdaşlygyny täze derejelere çykarýar diýip, «Trend» habarlar agentliginiň sahypalarynda AUHB salgylanyp habar berilýär.
«Turkish Airlines» sentýabr aýynda Türkmenistana 9 sany ýörite uçar gatnawyny amala aşyrar
«Turkish Airlines» şu ýylyň sentýabr aýynda Aşgabat bilen Stambulyň arasynda 9 sany ýörite uçar gatnawyny amala aşyrmagy meýilleşdirýär. Uçuşlar hepdede iki gezek - her duşenbe we anna günleri amala aşyrylar.
IOS üçin "AŞTU" ykjam programmasynda "Rysgal" bank karty arkaly onlaýn töleg elýeterli boldy
"AŞTU" - nyň abonentleri "Rysgal" bankyň kartlarynyň üsti bilen, iOS programmasy arkaly aragatnaşyk hyzmatlaryny tölemäge mümkinçilik aldylar.
«Rusdemirýollarynyň» wekilleri Türkmenistanda saparda bolarlar
Ýakyn günlerde rus wekiliýetleriniň Türkmenistana saparlary meýilleşdirilýär. Şol sanda Russiýanyň demir ýollarynyň başlygy Oleg Belozerowyň ýolbaşçylygyndaky wekiliýetiň hem saparynyň bolmagyna garaşylýar. Bu barada Russiýa Federasiýasynyň Türkmenistandaky Adatdan daşary we Doly ygtyýarly ilçisi Aleksandr Blohin Aşgabatdaky Daşary işler ministrliginde geçirilen brifingde aýtdy diýip, «RZD-partner.ru» habar berýär.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň wekilleri Astrahana bararlar
Şu hepde Türkmenistanyň Ministrler Kabinetiniň ýanyndaky Ulag we kommunikasiýalar agentliginiň ýolbaşçylygyndaky wekiliýet Astrahana barar. Saparyň dowamynda ulag we logistika pudagynda hyzmatdaşlygy ösdürmek meseleleri ara alnyp maslahatlaşylar. Bu barada Astrahan sebitiniň daşary gatnaşyklar ministri Wladimir Golowkowa salgylanyp, «bloknot-astrakhan.ru» habar berdi.
Türkmenistan Demirgazyk-Günorta geçelgesine goşular
Türkmenistan Russiýa tarapyndan döredilen Demirgazyk-Günorta ulag geçelgesine goşular. Bu barada Türkmenistanyň Daşary işler ministri Raşid Meredowyň anna güni geçirilen brifingde aýdanlaryna salgylanyp, Russiýanyň TASS agentligi habar berdi.
Gazagystan Türkmenistanyň serhedine çenli çekilýän ýol üçin 160 million ABŞ dollaryny sarp eder
Mälim bolşy ýaly, Türkmenistanyň Günbatarynda goňşy Gazagystan döwleti bilen ulag gatnaw ugruny döretjek täze ýola — Garabogaz aýlagyndan geçýän awtomobil ýol köprüsiniň gurluşygyna badalga berlipdi. Şunuň bilen baglylykda, Gazagystanyň senagat we infrastruktura ösüşi boýunça ministrligi bu ýoluň Gazagystanyň çägindäki uzaklygynyň 156 kilometre deň boljakdygyny habar berýär.
Türkmenistanda 100-den gowrak ulag-logistika kompaniýasy döredildi
19-njy awgustda Türkmenistanyň Daşary işler ministrliginiň binasynda 2022-nji ýylyň 15-16-njy awgustynda «Awaza» milli syýahatçylyk zolagynda deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatynyň netijelerine bagyşlanan brifing geçirildi.
Ulag diplomatiýasy: geljekki ösüşlere badalga
Forumyň işiniň öňüsyrasynda Kongresler merkeziniň eýwanynda deňze çykalgasy bolmadyk döwletleriň mümkinçilikleriniň hem-de ýurdumyzyň ulag-kommunikasiýa toplumynyň gazanan üstünlikleriniň sergisi guraldy. Sergide ilaty 533 million adama barabar bolan deňze çykalgasy bolmadyk ösüp barýan döwletleriň 32-si baradaky maglumatlar öz beýanyny tapdy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.