Habarlar
Habarlar
Türkmen halkynyň Milli Lideri, Halk Maslahatynyň Başlygy Arkadag şäherinde ýazky ählihalk bag ekmek dabarasyna gatnaşdy
18-nji martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow häzirki döwrüň sazlaşykly ösüşiniň nyşany hökmünde Köpetdagyň etegindäki gözel künjekde bina edilen Arkadag şäheriniň çäginde guralan ählihalk bag ekmek dabarasyna gatnaşdy.
CASCA+ MULTIMODAL ULAG TASLAMASY ARKALY GERMANIÝA ÝÜK DAŞALÝAR
CASCA+ halkara multimodal ulag taslamasy Aziýa-Ýuwaş umman ýurtlary — Hytaý — Gyrgyzystan — Özbegistan — Türkmenistan — Azerbaýjan — Gruziýa — Türkiýe ugry boýunça halkara ýükleriň daşalyşyny işjeňleşdirmegi maksat edinýär. Häzirki wagtda bu taslamany durmuşa geçirip, Aziýa bilen Ýewropany özara baglanyşdyrýan halkara ulag ugruny döretmäge tagallalar edilýär.
Türkmenistanyň Prezidenti döwlet sapary bilen Katara ugrady
19-njy martda hormatly Prezidentimiz Serdar Berdimuhamedow döwlet sapary bilen Katar Döwletine ugrady.
Türkmenistanyň Ministrler Kabinetiniň mejlisi
17-nji martda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň käbir meseleleri ara alnyp maslahatlaşyldy hem-de birnäçe resminamalaryň taslamalaryna garaldy.
Türkmen halkynyň Milli Lideri, Türkmenistanyň Halk Maslahatynyň Başlygynyň Özbegistan Respublikasynyň Prezidenti bilen duşuşygy
16-njy martda Türki Döwletleriň Guramasynyň döwlet Baştutanlarynyň Geňeşiniň nobatdan daşary mejlisine gatnaşýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Özbegistan Respublikasynyň Prezidenti Şawkat Mirziýoýew bilen duşuşdy.
Transhazar halkara ulag geçelgesinde gümrük amallarynyň ýönekeýleşdirilmegi maslahatlaşyldy
Azerbaýjanyň, Türkiýäniň, Gazagystanyň, Gyrgyz Respublikasynyň, Özbegistanyň, Türkmenistanyň, Täjigistanyň we Gruziýanyň gümrük gulluklarynyň ýolbaşçylarynyň arasynda çarşenbe güni Bakuda geçirilen duşuşygyň dowamynda Gündogar-Günbatar Transhazar halkara ulag geçelgesi boýunça üstaşyr gümrük amallaryny “bir penjire” ýörelgesi esasynda ýönekeýleşdirmek boýunça taslama ara alnyp maslahatlaşyldy.
Türkmen halkynyň Milli Lideri, Türkmenistanyň Halk Maslahatynyň Başlygy Türkiýe Respublikasynyň Prezidenti bilen duşuşdy
16-njy martda Türki Döwletleriň Guramasynyň döwlet Baştutanlarynyň nobatdan daşary sammitine hormatly myhman hökmünde çagyrylan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkiýe Respublikasynyň Prezidenti Rejep Taýyp Ärdogan bilen duşuşdy.
IRU Türkmenistanyň gümrük pudagynyň sanlylaşdyrylmagyny goldaýar
Awtomobil ulaglarynyň halkara Birleşigi (IRU) Türkmenistanyň gümrük pudagy üçin sanly üsthatlary ornaşdyrmakda Halkara ýol gatnawçylary türkmen birleşigine (THADA) goldaw berdi. Bu barada IRU-nyň TIR we üstaşyr bölüminiň müdiri Tatýana Reý-Belleniň sözlerine salgylanyp, «Trend» habar berdi.
Ömrüni ulag pudagyna bagyş eden ykdysatçy
Ykdysadyýet diýmek — döwletiň ösüşi, onda ýaşaýan ynsanlaryň ýagty geljeginiň agramly bölegini gerdeninde göterýän pudak diýmekdir. Munuň ýaly möhüm wezipäni üstünlikli ýerine ýetirip, ussatlyk bilen çemeleşip bilýän ynsan bolsa hakyky ykdysatçydyr. Olaryň ýerine ýetirýän wezipesi, alyp barýan işleri gönüden-göni döwletiň şu günki ösüşine, ertirine, galyberse-de, ýaş hünärmenleriň geljegine gönükdirilendir.
Türkmenistanyň Döwlet gümrük gullugynda hususyýetçiler bilen maslahat geçirildi
Türkmenistanyň Döwlet gümrük gullugynda ulaglar arkaly ýurduň eksport mümkinçiliklerini hem-de eksport edilýän harytlaryň görnüşlerini we möçberlerini artdyrmak boýunça Türkmenistanyň Senagatçylar we telekeçiler birleşmesiniň wekilleri bilen maslahat geçirildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.