Habarlar
Habarlar
"Halkyň Arkadagly zamanasy" – abadan durmuşyň nyşany
2021-nji ýylyň 30-njy dekabrynda Türkmenistanyň Inžener-tehniki we ulag kommunikasiýalary institutynda 2022-nji ýylyň «Halkyň Arkadagly zamanasy» atly şygarynyň hem-de ýörite nyşanynyň tassyklanylmagy mynasybetli aýdym sazly dabara geçirildi. Oňa institutynyň professor-mugallymlary, talyp ýaşlary gatnaşdylar.
ÝURDUMYZYŇ ULAG-LOGISTIKA TOPLUMY ÖSDÜRILÝÄR
Gahryman Arkadagymyzyň öňdengörüjilikli syýasatynyň netijesinde mukaddes Garaşsyzlygymyzyň 30 ýylynyň içinde ýurdumyzyň ähli pudaklarynda ýokary depginli ösüşler gazanyldy. Bu babatda aragatnaşyk ulgamynda hem uly sepgitlere ýetildi. Türkmenistan halkara gatnaşyklarynda bitaraplyk, deňhukuklylyk ýörelgelerinden ugur alýar. Bitaraplyk hukuk ýagdaýy ýurdumyza Ýer ýüzünde ykdysadyýetde, durmuş ulgamynda, türkmen jemgyýetiniň ruhy-medeni durmuşynda uly üstünlikleri gazanmaga mümkinçilik berdi.
Täze ýyl baýramynda raýatlarymyza ýokary guramaçylykly hyzmat garaşýar
«Türkmenawtoulaglary» agentliginiň Aşgabatdaky ýolagçy awtoulag kärhanasy Täze ýyl baýramy mynasybetli işleri güýçlendirilen tertipde ýola goýýar. Şonuň netijesinde 31-nji dekabrda we 2022-nji ýylyň 1-nji ýanwarynda ýolagçy gatnawlary tölegsiz amala aşyrylar. Bökdençsiz gatnawlary üpjün etmek maksady bilen, şäheriçi awtobus gatnawlary 31-nji dekabrda sagat 6:00-dan 2022-nji ýylyň 1-nji ýanwarynda sagat 2:00-a çenli hereket eder.
“HALKYŇ ARKADAGLY ZAMANASY” - IL ALKYŞLY GAHRYMANYŇ HORMATY
«Türkmenistan – parahatçylygyň we ynanyşmagyň Watany» şygary astynda geçen 2021-nji ýylda milli Liderimiziň yzygiderli tagallasy netijesinde ykdysadyýetimizi ösdürmek boýunça kabul edilen döwlet maksatnamalaryny ýerine ýetirmek babatda guwandyryjy işler amala aşyryldy.
Aragatnaşyk ulgamynyň sanlylaşdyrylmagyna bagyşlanyp duşuşyk geçirildi
Golaýda «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň «Marytelekom» welaýat elektrik aragatnaşyk kärhanasynyň hem-de Mary welaýat häkimliginiň bilelikde guramagynda duşuşyk geçirildi. Duşuşygyň mowzugy aragatnaşyk bölümlerinde sanly ulgamyň şertlerini üpjün etmek, raýatlara hödürlenilýän hyzmatlaryň sanlylaşdyrylmagynda tagallalary birleşdirmek hem-de ýakyn geljekde amala aşyrylmagy meýilleşdirilýän taslamalar barada boldy.
“Türkmenpoçta” häzirki zaman marketing çemeleşmelerini durmuşa geçirýär
Häzirki wagtda Türkmenistanda sanly maglumat çeşmeleriniň ösmegi bilen döwlet gurluşlarynyň işini döwrebaplaşdyrmak, internet arkaly ilata hödürlenýän hyzmatlary gowulandyrmak üçin köp işler alnyp barylýar.
Kerkiden Aşgabada we Daşoguza howa gatnawlary amala aşyrylar
2022-nji ýylyň 3-nji ýanwarynda Aşgabat bilen Lebap welaýatynyň Kerki şäheriniň halkara howa menziliniň arasynda kadaly howa gatnawy açylar. Bu ugurda (Aşgabat – Kerki – Aşgabat) boýunça 313-314 belgili uçuşlar Boeing-737-700 uçarlarynda hepdäniň duşenbe we şenbe günlerinde amala aşyrylar. Uçuş Aşgabat halkara howa menzilinden ýerli wagt bilen sagat 10.00-a, gaýdyş ugra bolsa – 12.00-a meýilleşdirilýär. Uçuş wagty – bir sagat.
Halkara ulag geçelgeleriniň mümkinçilikleri artdyrylar
Hormatly Prezidentimiziň düýn geçiren Ministrler Kabinetiniň sanly ulgam arkaly nobatdaky mejlisinde Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew «Türkmenistanyň ulag-logistika merkezi» açyk görnüşli paýdarlar jemgyýetiniň daşary ýurtlarda wekilhanalaryny açmak boýunça alnyp barylýan işler barada hasabat berdi.
Täze ýyl baýramynda şäher awtobuslary mugt bolar
24-nji dekabrda Türkmenistanyň Prezidenti Ministrler Kabinetiniň nobatdaky mejlisini geçirdi. Onuň barşynda ýakynlaşyp gelýän Täze ýyl baýramçylygy mynasybetli käbir guramaçylyk meselelerine-de seredildi.
DÖWREBAP HÜNÄRMENLER — AÝDYŇ GELJEGIMIZ
Häzirki wagtda ösüşdir özgertmelere beslenýän ýurdumyzda milli bilim ulgamy has-da kämilleşdirilýär, giň dünýägaraýyşly, aň-düşünjeli hünärmenler taýýarlanýar. Bilim ulgamynda özgertmeleri amala aşyrmagyň çäklerinde institutymyzda dünýäniň ösen ýurtlarynyň tehnologiýalary bilen enjamlaşdyrylan. Berkarar döwletimiziň bagtyýarlyk döwründe bilim ulgamyna aýratyn üns berilýändigini, ýaşlaryň döwrebap bilim alýandygyny aýratyn bellemelidiris.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.