Habarlar
Habarlar
Türkmenistanyň Prezidenti Ýewropa Bileleşiginiň halkara hyzmatdaşlyk boýunça komissaryny kabul etdi
3-nji sentýabrda hormatly Prezidentimiz Serdar Berdimuhamedow Ýewropa Bileleşiginiň halkara hyzmatdaşlyk boýunça Ýewropa komissary hanym Ýutta Urpilaýneni kabul etdi.
2024-nji ýylyň 8 aýynda Birleşen ulag-logistika kompaniýasynyň üstaşyr ýük gatnawlary 1,9 esse ýokarlandy
2024-nji ýylyň ýanwar-awgust aýlarynyň netijelerine görä, «Hytaý-Ýewropa-Hytaý» ugry boýunça Birleşen ulag-logistika kompaniýasynyň — Ýewraziýa demir ýollary alýansynyň (ОТЛК ERA — Russiýa, Gazagystan we Belarus tarapyndan esaslandyrylan bilelikdäki kärhana) üstaşyr konteýner gatnawynyň mukdary 296,2 müň TEU boldy, bu geçen ýylyň görkezijisinden 1,9 esse köpdür.
“Türk Howaýollary” Bişkekden Şanhaýa oba hojalyk önümlerini daşar
Gyrgyzystanyň Oba hojalygy ministrliginiň habaryna görä, Türkiýäniň “Türk Howaýollary” awiakompaniýasy Bişkekden Şanhaýa hepdede 300 tonna çenli oba hojalyk önümlerini daşar.
Aşgabat-Seul hyzmatdaşlygy: göni gatnawlar we täze taslamalar
Mälim bolşy ýaly, golaýda Koreýa Respublikasynyň ýer, infrastruktura we ulag ministri Pak San U Türkmenistanda saparda boldy. Iki ýurduň arasyndaky hyzmatdaşlygy has-da pugtalandyrmaga gönükdirilen bu saparyň çäklerinde birnäçe duşuşyklar geçirildi.
Interneti dolandyrmak boýunça ählumumy maslahaty-2024 emeli aň tehnologiýalaryna gönükdiriler
19-22-nji noýabr aralygynda Hytaýyň Çžeszýan gündogar welaýatynda ýerleşen Uçžen şäherinde Interneti dolandyrmak boýunça ählumumy maslahaty (WIC-2024) geçiriler. Çäre emeli aň tehnologiýalaryna gönükdirilip, “Adamlara gönükdirilen sanly geljek we bähbit üçin emeli aň – kiber giňişliginde umumy geljegi bolan bileleşigiň döredilmegi” atly mowzuga bagyşlanar.
«EXPO – 2025» Bütindünýä sergisine taýýarlyk meseleleri maslahatlaşyldy
Türkmenistanyň DIM-nde Türkmenistanyň daşary işler ministriniň orunbasary A.Gurbanow bilen Ýaponiýanyň DIM-niň Merkezi Aziýa we Kawkaz sebiti boýunça ýörite wekili Isikawa Masakiniň arasynda duşuşyk geçirildi.
Ýokary tehnologiýalar milli bilim ulgamynyň hyzmatynda
Orta mekdepleriň häzirki zaman sanly dolandyryş ulgamy bolan «eMekdep» platformasy Türkmenistanyň Bilim ministrliginiň Innowasiýa maglumat merkezi tarapyndan işe girizildi. Häzirki ýokary tehnologiýalaryň bütin dünýäde giňden ornaşdyrylýan döwründe bilim işini yzygiderli sanlylaşdyrmaga gönükdirilen sanly bilim ulgamyny ösdürmegiň Konsepsiýasynda anyk kesgitlenen wezipelere laýyklykda, 2021-nji ýylda hünärmenler «elektron mekdep» taslamasyny işläp taýýarlamaga girişdiler.
Arkadag şäherinde Halk Maslahatynyň mejlisiniň jemlerine we ähmiýetine bagyşlanan maslahat geçirildi
Düýn Arkadag şäheriniň häkimliginde «Halk Maslahatynyň taryhy mejlisi we milli Liderimiziň ylhamy – döwletliligiň dabaralanmasy» atly maslahat geçirildi.
Aragatnaşykçylaryň "Altyn Asyr" futbol topary "Al-Haldiýa" bilen duşuşar
Şu gün "Altyn Asyr" futbol kluby Aziýa futbol konfederasiýasynyň (AFK-2) Çempionlar ligasynyň 2-nji tapgyrynda Bahreýniň "Al-Haldiýa" topary bilen geçiriljek duşuşygyna janköýerler üçin mugt giriş boljakdygyny yglan etdi. Duşuşyk 19:00-da "Aşgabat" stadionynda geçiriler.
«Türkmendemirýollary» agentliginiň wekilleri OTIF guramasynyň Baş assambleýasynyň sessiýasyna gatnaşdylar
«Türkmendemirýollary» agentliginiň wekilleri OTIF — Halkara demir ýol ulaglarynda gatnawlar boýunça hökümetara guramasynyň Baş assambleýasynyň 16-njy sessiýasynyň ýolbaşçylarynyň duşuşygyna ilkinji gezek gatnaşdylar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.