Habarlar / TÄZELIKLER
TÄZELIKLER
Gyrgyzystan-Ýewropa ulag geçelgesi Türkmenbaşy portunyň üstünden geçer
Hazar deňziniň kenaryndaky Türkmenbaşy Halkara deňiz porty häzirki wagtda doly güýjünde işleýän Gyrgyzystan-Özbegistan-Türkmenistan-Azerbaýjan-Ýewropa Bileleşigi ulag geçelgesiniň möhüm bölegini emele getirýär. Bu barada Türkmenistanyň Ministrler Kabinetiniň ýanyndaky Ulag we kommunikasiýalar agentligi habar berýär.
Türkmen kärhanalary Moskwada geçiriljek “RosBuild 2025” sergisine çagyryldy
Türkmen kompaniýalary Moskwa şäherinde 11–14-nji mart aralygynda geçiriljek “RosBuild 2025” atly gurluşyk pudagynyň sergisine gatnaşarlar. Ol türkmen işewürlerine öz önümleri bilen tanyşdyrmaga we Russiýanyň gurluşyk düzümleri bilen gatnaşyklary ýola goýmaga mümkinçilikleri döreder.
Hormatly Prezidentimiz ýol we ýangyn howpsuzlygy boýunça düşündiriş işleriniň geçirilmeginiň möhümdigini belledi
Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň giňişleýin göçme mejlisiniň barşynda içeri işler edaralarynyň, şol sanda ýol gözegçilik we ýangyn howpsuzlygy gulluklarynyň işini mundan beýläk-de kämilleşdirmegiň zerurdygyny aýtdy. Bu barada TDH habar berýär.
Türkmenistanda işewürligiň sanly transformasiýasy: EDI tehnologiýasynyň resminama dolanyşygyny aňsatlaşdyrýandygy barada
23-nji ýanwarda “Arkaç” söwda-medeni dynç-alyş merkeziniň “Iş Nokady” maslahatlar zalynda “Elektron täjirçilik resminama dolanyşygy (EDI): Türkmenistanyň işewürligi we ugrukdyryjylary üçin täsirler” atly mowzuk bilen seminar geçirildi. Çäre 70-e golaý gatnaşyjyny, şol sanda işewürligiň wekillerini, şeýle hem žurnalistleri ýygnady. Çärä gatnaşmak mugt esasda amala aşyryldy.
Türkmenistan bilen Eýran ýük akymlaryny artdyrmagy, gümrük hyzmatdaşlygyny ösdürmegi maslahatlaşdylar
Türkmenistanyň Döwlet gümrük gullugynyň wekilleri 2025-nji ýylyň 21-22-nji ýanwarynda Aşgabatda iş saparda bolan eýranly kärdeşleri bilen gepleşikleri geçirdiler. Iki ýurduň serhetýaka gümrük nokatlarynyň üstünden geçýän ýük akymlary artdyrmak meseleleri hem-de 2024-nji ýylyň 28-nji awgustynda gol çekilen Gümrük gulluklarynyň 2025-2026-njy ýyllardaky bilelikdäki hereketleriniň meýilnamasy gepleşikleriň esasy mazmunyny düzdi diýip, edaranyň metbugat gullugy habar berýär.
Türkmen halkynyň Milli Lideri Monakonyň Şazadasy Alber II bilen kosmos hyzmatdaşlygyny ara alyp maslahatlaşdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Monako saparynyň dowamynda 20-nji ýanwarda Monako Knýazlygynyň Şazadasy Alber II bilen duşuşygynda hyzmatdaşlygyň möhüm böleginiň älem giňişligidigini belledi. Bu barada TDH ýazýar.
Türkmenistan bilen Rumyniýa sanly ulgam boýunça hyzmatdaşlyk eder
Informatika boýunça Milli gözleg we ösüş institutynyň (ICI Buharest) binasynda Türkmenistanyň Rumyniýadaky ilçisi A.Anaýew bilen bu gözleg institutynyň baş müdiri Adrian Wiktor Wiveranyň arasynda duşuşyk geçirildi.
Türkmenistan TEIF 2025 halkara maýa goýum forumyna gatnaşar
Kuala-Lumpurda 23-24-nji aprelde geçiriljek Türkmenistanyň ykdysadyýetine daşary ýurt maýa goýumlaryny çekmek boýunça Halkara forumyna (TEIF 2025) gatnaşyjylaryň hasaba alnyşy başlandy. Çärä OPEK, Bütindünýä banky, ÝTÖB ýaly iri halkara guramalaryň we maliýe institutlaryň, şeýle hem Petronas, TotalEnergies, ExxonMobil, Dragon Oil, ENI we beýleki öňdebaryjy energetika kompaniýalarynyň ýolbaşçylary gatnaşarlar.
Türkmenistanda Awtoulaglaryň tehniki ýagdaýyny anyklaýyş we hasaba alyş toparyň edara binalary açyldy
Watan goragçylarynyň gününe gabatlanylyp, Ahal welaýatynyň Polisiýa müdirliginiň Sarahs, Mary welaýatynyň Polisiýa müdirliginiň Sakarçäge, Daşoguz welaýatynyň Polisiýa müdirliginiň Görogly, Lebap welaýatynyň Polisiýa müdirliginiň Çärjew, Köýtendag etraplarynyň polisiýa bölümlerinde Awtoulaglaryň tehniki ýagdaýyny anyklaýyş we hasaba alyş toparynyň edara binalarynyň açylyş dabaralary boldy.
Türkmenistan bilen Eýranyň arasynda logistika hyzmatdaşlygyny ösdürmegiň geljegi maslahatlaşyldy
Eýranyň Türkmenistandaky ilçisi Ali Mojtaba Ruzbehani bilen Horasan-Rezawi welaýatynyň häkimi Golamhosseýn Mozaffari Türkmenistanyň we Eýranyň arasynda serhetýaka hyzmatdaşlygyny ösdürmegiň geljegini maslahatlaşdylar. Bu duşuşyk ýekşenbe güni Horasan-Rezawi welaýatynyň häkiminiň edarasynda geçirildi diýip, “Türkmendemirýollary” agentliginiň metbugat gullugy habar berýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.