Habarlar
Habarlar
IATA: Ýewropada golaý 10-15 ýylda awiapetekleriň nyrhy arzanlamaz
Ýewropada awiapetekleriň sany golaý 10-15 ýylda arzanlamasa gerek, bu ýagdaý Ýewropa Bileleşiginiň kompaniýalara zyýanly galyndylaryň möçberlerini 2050-nji ýyla çenli nol derejä ýetirmek barada talaplary bilen hem baglydyr.
Türkmenistanyň Prezidenti ÝHHG-niň Baş sekretaryny kabul etdi
1-nji iýunda hormatly Prezidentimiz Serdar Berdimuhamedow Ýewropada Howpsuzlyk we Hyzmatdaşlyk Guramasynyň Baş sekretary hanym Helga Şmidi kabul etdi.
Türkmenbaşy Halkara deňiz portuna «EcoPorts» derejesi berildi
Düýn Serdar Berdimuhamedow Ýewropada Howpsuzlyk we Hyzmatdaşlyk Guramasynyň Baş sekretaryny kabul etdi. Duşuşykda myhman Prezident Serdar Berdimuhamedowa Türkmenbaşy Halkara deňiz portuna «EcoPorts» derejesiniň berlendigi hakyndaky güwänamany gowşurdy. Bu barada Türkmenistanyň Halk Maslahatynyň resmi saýtynda habar berildi.
“Biznes Türkmenistan” internet neşiri dört ýaşady
2019-njy ýylyň 1-nji iýunynda işläp başlan we okyjylara türkmen, iňlis, rus hem-de türk dillerinde habarlary ýetirýän “Biznes Türkmenistan” (BT) internet neşiri dört ýaşady.
«Türkmenaragatnaşyk» agentliginde «Sagdyn nesil – röwşen geljek» atly wagyz-nesihat duşuşygy geçirildi
1-nji iýunda, Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň, «Türkmenaragatnaşyk» agentliginiň «Altyn Asyr» ÝGPJ-niň bilelikde gurnamagynda Çagalary goramagyň halkara güni mynasybetli «Sagdyn nesil – röwşen geljek» atly wagyz-nesihat duşuşygy geçirildi.
Ýolagçy awtoulag sürüjileriniň hünär bäsleşiginiň ýeňijisi
2023-nji ýylyň 30-njy maýynda Türkmenistanyň Kärdeşler arkalaşyklarynyň Milli merkezi bilen “Türkmenawtoulaglary” agentligi we Awtomobil ýollarynyň gurluşygyny dolandyrmak baradaky döwlet agentligi bilelikde «Döwrüň bagtyýar, ýolum ygtybar» atly hünär bäsleşiginiň ýurt boýunça jemleýji III tapgyry geçirildi. Oňa «Lebapawtoulag» önümçilik birleşiginden hem iň ezber sürüjileri gatnaşdylar.
«Bütindünýä durnukly ulag güni» mynasybetli geçirilen maslahat
Malim bolşy ýaly BMG-niň Baş Assambleýasynyň 77-nji sessiýasynyň 70-nji plenar mejlisiniň dowamynda Türkmenistanyň başlangyjy bilen, guramanyň agza döwletleriň biragyzdan goldamagynda 26-njy noýabr «Bütindünýä durnukly ulag güni» diýlip yglan edildi.
Eýranyň diplomaty: Eýran-Oman-Türkmenistan-Özbegistan geçelgesi işe giriziler
Eýranyň Daşary işler ministrliginiň Pars aýlagy boýunça meseleler bölüminiň baş müdiri Alireza Enaýati geljekde Omany, Eýrany, Türkmenistany we Özbegistany birleşdirýän ulag geçelgesiniň işe giriziljekdigini habar berdi. Bu barada Eýranyň “Tehran Times” gazeti sişenbe güni habar berdi.
Türkmenistan bilen Pakistan ýakyn wagtda üstaşyr söwda ylalaşygyny baglaşar
Türkmenistan bilen Pakistan ýakyn wagtda gol çekilmegi meýilleşdirilýän üstaşyr söwda boýunça ylalaşygyň üstünde işleýär. Ikitaraplaýyn resminamanyň taslamasyny ylalaşmak üçin ministrlerden ybarat bolan wekiliýet ýakynda sapar bilen Pakistana barar. Bu barada Türkmenistanyň Pakistandaky Adatdan daşary we Doly ygtyýarly Ilçisi Atajan Möwlamowyň Pakistanyň işewürleri bilen duşenbe güni geçirilen duşuşygyň dowamynda aýdanlaryna salgylanyp, Pakistanyň "The Nation" gazeti habar berdi.
Türkmenistan TRASEKA goşulmak boýunça işlere badalga berdi
Türkmenistan 2023-nji ýylyň ahyryna çenli guramanyň doly agzasy hökmünde TRASEKA goşulmagy meýilleşdirýär. Bu babatdaky işlere eýýäm girişildi diýip, «Trend.az» Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktorynyň orunbasary Batyr Annaýewe salgylanyp habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.